اسلام آباد: کیپٹل ڈیویلپمنٹ اتھارٹی (سی ڈی اے) انتظامیہ نے وفاقی دارالحکومت کی مرکزی شاہراہ ایکسپریس وے پر ٹریفک کی روانی کو برقرار رکھنے کے لیے ٹریفک کے نئے نظام کا اجراء کر دیا ہے۔
سی ڈی اے حکام کے مطابق ادارہ اسلام آباد ٹریفک پولیس کے ساتھ مل کر شہر میں ٹریفک کے بہاؤ کو کنٹرول کرنے کیلئے خصوصی اقدامات اٹھا رہا ہے۔
حکام کا کہنا ہے کہ اس سلسلے میں اسلام آباد ایکسپریس وے پر بالخصوص رش کے اوقات میں ٹریفک کی روانی کو بحال رکھنے کے لئے اسلام آباد پولیس کی معاونت سے جدید ٹریفک مینجمنٹ سسٹم متعارف کروایا جارہا ہے تاکہ شہریوں کو ٹریفک جام جیسے مسائل کا سامنا نہ کرنا پڑے۔
سی ڈی اے انتظامیہ اسلام آباد ٹریفک پولیس کی معاونت سے زیرو پوائنٹ سے کورال چوک تک جو کہ پانچ لین پر مشتمل شاہراہ ہے کی مزید دو لینز کو کورال چوک سے زیرو پوائنٹ تک ڈائیورٹ کررہی ہے تاکہ ٹریفک کے بلاتعطل بہاؤ کو برقرار رکھا جا سکے۔
چیئرمین کیپٹل ڈویلپمنٹ اتھارٹی نے کام کی رفتار کو مزید تیز کرنے کی ہدایات بھی جاری کر رکھی ہیں۔
مزید خبروں اور اپڈیٹس کیلئے وزٹ کیجئے گرانہ بلاگ۔
