لاہور: ترقیاتی ادارے لاہور ڈیویلپمنٹ اتھارٹی (ایل ڈی اے) ںے پلاٹس کی نیلامی کے لیے ای بِڈنگ کا جدید نظام متعارف کرانے کا فیصلہ کیا ہے۔
ایل ڈی اے کے ڈائریکٹر جنرل (ڈی جی) چودھری محمد علی رندھاوا کی زیر صدارت ایک اہم اجلاس میں پلاٹوں کے نیلامِ عام کے لیے ای بڈنگ کا نظام متعارف کرانے کے فیصلے کا تفصیلی جائزہ لیا گیا۔
اجلاس میں اوورسیز پاکستانیوں کی جائیدادوں کی ٹرانسفر و دیگر پراسیس کے لیے آن لائن پورٹل کی سہولت متعارف کرانے کے لیے بھی جائزہ لیا گیا۔
اس موقع پر ڈی جی ایل ڈی اے نے کہا کہ آن لائن پورٹل سے اوورسیز پاکستانیوں کی جائیدادوں کا تحفظ ہوگا اور جعل سازی کا خاتمہ ہوگا۔
ان کا کہنا تھا کہ ایل ڈی اے کے ان اقدامات سے جائیدادوں کی خرید و فروخت کے عمل میں شفافیت کو فروغ ملے گا۔
شہری ترقی کے ادارے لاہور ڈیویلپمنٹ اتھارٹی (ایل ڈی اے) کا کہنا ہے کہ 3 ارب 40 کروڑ روپے کی لاگت سے جاری سگیاں روڈ منصوبے پر 55 فیصد ترقیاتی کام مکمل ہو چکا ہے جبکہ راوی بریج سے پھول منڈی چوک تک 4.4 کلومیٹر سڑک کے دونوں اطراف کی تعمیر اور بحالی کا کام جاری ہے۔
ڈائریکٹر جنرل ایل ڈی اے چوہدری محمد علی رندھاوا کا یہ بھی کہنا تھا کہ سگیاں روڈ منصوبہ شہر کی ترقی میں انتہائی اہمیت کا حامل ہے۔
سگیاں منصوبے پر تین ارب 40 کروڑ روپے کی لاگت آرہی ہے جبکہ راوی بریج سے پھول منڈی چوک تک 4.4 کلومیٹر سڑک کے دونوں اطراف کی تعمیر اور بحالی کا کام جاری ہے۔
ایل ڈی اے حکام کا کہنا ہے کہ پھول منڈی چوک سے لاہور شیخوپورہ روڈ تک 1.2 کلومیٹر سڑک کی تعمیر اور بحالی اس منصوبے کا حصہ ہے۔
حکام کا کہنا ہے کہ پھول منڈی چوک سے فیض پور انٹرچینج تک بھی 3.1 کلو میٹر کی تعمیر کے ساتھ پارکنگ لینز بھی بنائی جائیں گی جبکہ پھول منڈی چوک سے بیگم کوٹ تک بھی سڑک کی تعمیر و مرمت کا کام جاری ہے۔
ڈائریکٹر جنرل ایل ڈی اے چوہدری محمد علی رندھاوا کا کہنا ہے کہ سگیاں روڈ ری ہیبلیٹیشن اینڈ امپروومنٹ پراجیکٹ پر کام تیزی سے جاری ہے جبکہ اس منصوبے کی تکمیل سے علاقے میں بے ہنگم ٹریفک اور سیورج کے مسائل حل ہو جائیں گے۔
انہوں نے کہا کہ منصوبے کا 55 فیصد ترقیاتی کام مکمل ہو گیا ہے جبکہ سگیاں روڈ لاہور کا اہم ترین داخلی و خارجی راستہ ہے یہی وجہ ہے کہ منصوبے کو خوبصورت بنانے کے لیے خصوصی توجہ دی جا رہی ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
