لاہور: وزیرِ اعظم عمران خان کے نیا پاکستان ہاؤسنگ پروگرام کی طرف پہلے قدم کے طور پر لاہور ڈیولپمنٹ اتھارٹی (ایل ڈی اے) کی گورننگ باڈی نے 4 ہزار رہائشی یونٹس کی تعمیر کی منظوری دے دی ہے۔
ایل ڈی اے کی گورننگ باڈی کے وائس چیئرمین ایس ایم عمران نے میڈیا سے گفتگو کرتے ہوئے یہ اعلان کیا کہ یہ 4 ہزار رہائشی یونٹس 583 کنال کی زمین پر ایک سال میں بنائے جائیں گے۔
تفصیلات کے مطابق تین منزلہ 125 بلاکس بنائے جائیں گے جن میں 32 رہائشی یونٹس ہوں گے۔
اُن کا کہنا تھا کہ 35 ہزار مزید اپارٹمنٹس کی تعمیر کے لیے 8500 کنال زمین مختص کردی گئی ہے جس کا 20 ارب کا پی سی ون بھی منظور کرلیا گیا ہے۔
یہاں انفرااسٹرکچر، واٹر سپلائی، پیدل چلنے کی لینز، مساجد اور واٹر ٹریٹمنٹ پلانٹ بھی بنائے جائیں گے۔
اُنہوں نے مزید کہا کہ ایل ڈی اے سٹی نیو پاکستان اپارٹمنٹس پراجیکٹ کے لیے فنانشل ماڈل کی بھی منظوری دے دی گئی ہے تاکہ اس کو مجموعی طور پر ایک فائدہ مند منصوبہ بنایا جا سکے۔
مزید خبروں اور اپڈیٹس کے لئے وزٹ کیجئے گرانہ بلاگ۔
