لاہور: لاہور ڈویلپمنٹ اتھارٹی (ایل ڈی اے) کی ٹیموں نے غیر قانونی تعمیرات، کمرشلائزیشن کے خلاف کارروائی کرتے ہوئے گلبرگ میں غیر قانونی کمرشل استعمال پر چھ املاک کو جزوی طور پر مسمار کر کے سیل کر دیا۔
آپریشن کے دوران مین بلیوارڈ گلبرگ پر واقع معروف کیفے کو جزوی طور پر مسمار کر کے سیل کر دیا گیا۔ کیفے کی انتظامیہ اور مالکان کو متعدد بار نوٹسز جاری کیے گئے تھے۔ نیز ایل ڈی اے حکام کا کہنا ہے کہ کیفے منظور شدہ نقشے کے بغیر پارکنگ ایریا میں بنایا گیا تھا۔
علاوہ ازیں ایل ڈی اے کے عملے نے آپریشن کے دوران پلاٹ نمبر 101 ٹیپو بلاک، نیو گارڈن ٹاؤن کو جزوی طور پر مسمار کر کے سیل کر دیا۔ پلاٹ نمبر 84 ڈی 1 گلبرگ 3، پلاٹ نمبر 9 کے، گلبرگ 2 کو بھی جزوی طور پر گرا کر سیل کر دیا گیا۔
مزید یہ کہ پلاٹ نمبر 4 سی، گلبرگ 2 اور پلاٹ نمبر 5 گلبرگ 5 کو جزوی طور پر گرا کر غیر قانونی کمرشل استعمال کے لیے سیل کر دیا گیا۔ کلمہ چوک پر بس ٹرمینل سے ملحقہ جائیداد کو بھی غیر قانونی کمرشل استعمال پر سیل کیا گیا۔ تاہم ان جائیدادوں کو متعدد بار نوٹس جاری کئے گئے تھے۔
مزید خبروں اور اپڈیٹس کیلئے وزٹ کیجئے گرانہ بلاگ۔
