غیرقانونی تجاوزات کے خلاف آپریشن کے دوران کروڑوں روپے کی سرکاری زمین واگزار، ایل ڈی اے

لاہور: لاہور ڈویلپمنٹ اتھارٹی (ایل ڈی اے) نے گارڈن ٹاؤن میں کیے جانے والے غیرقانونی تجاوزات کے خلاف آپریشن کے دوران کروڑوں روپے کی سرکاری زمین واگزار کروا لی۔

ایل ڈی اے حکام کے مطابق جمعہ کے روز کیے جانے والے آپریشن میں 5 مرلے کے 18 پلاٹس، 10 مرلے کا ایک پلاٹ اور علی بلاک نیو گارڈن ٹاؤن میں 10 کنال کا پلاٹ واگزار کروایا گیا۔

علاوہ ازیں سِیوک سینٹر نیو گارڈن ٹاؤن میں آٹھ کنال کی زمین بھی واگزار کروائی لی گئی۔

ایل ڈی اے کے ڈائریکٹر جنرل عامر احمد خان کا کہنا تھا کہ ایل ڈی اے غیرقانونی تجاوزات  و تعمیرات کے خلاف آپریشن جاری رکھے گا۔ ان کا کہنا تھا کہ قبضہ مافیا خود سرکاری زمین کا قبضہ چھوڑ دے ورنہ انتظامیہ کی جانب سے کی جانے والی کاروائیوں کے لیے تیار رہے۔

غیرقانونی تجاوزات کے خلاف آپریشن انتظامیہ اور پولیس کے تعاون سے کیا گیا۔ علاوہ ازیں بھاری مشینری کا بھی استعمال کیا گیا۔

ڈائریکٹر ایل ڈی اے کا کہنا تھا کہ ایل ڈی اے اپنی حدود میں غیرقانوی تعمیراتی سرگرمیاں ہرگز برداشت نہیں کرے گی۔

مزید خبروں اور اپڈیٹس کیلئے وزٹ کیجئے گرانہ بلاگ۔