لاہور: ایل ڈی اے کا دو روزہ مہم میں 500 غیر قانونی تجازوات کا خاتمہ

لاہور: لاہور ڈویلپمنٹ اتھارٹی (ایل ڈی اے) نے تجاوزات کے خلاف دو روزہ آپریشن میں تقریباً 500 دکانیں اور جائیدادیں مسمار کر دیں۔ اور سرکاری کاموں میں رکاوٹ ڈالنے والے 12 افراد کو گرفتار کر لیا گیا۔

تفصیلات کے مطابق لاہور کمشنر اور ڈی جی ایل ڈی اے کی براہ راست نگرانی میں ٹیموں نے کالج روڈ پر آپریشن کرتے ہوئے کامیابی سے تجاوزات کا خاتمہ کیا۔ مربوط آپریشن کے لیے پولیس کی موجودگی کو یقینی بنایا گیا۔

علاوہ ازیں یہ کہ نجی بینک، کمرشل اسٹورز، گروسری سینٹرز، سیلون اور فوڈ پوائنٹس کو تجاوزات سے آزاد کیا گیا۔ اور عوام الناس کے لیے آسانی فراہم کی گئی۔

مزید یہ کہ کالج روڈ پر تجاوزات کے حوالے سے متعدد پیشگی وارننگز کے باوجود اس حالیہ کریک ڈاؤن تک کوئی خاطر خواہ کارروائی نہیں کی گئی تھی۔

مزید خبروں اور اپڈیٹس کیلئے وزٹ کیجئے گرانہ بلاگ