لاہور: لاہور ڈویلپمنٹ اتھارٹی (ایل ڈی اے) کی گورننگ باڈی نے شہر کی دس مرکزی شاہراہوں پر کمرشل سرگرمیاں شروع کرنے کی منظوری دے دی۔
ایل ڈی اے کی گورننگ باڈی کے حالیہ اجلاس میں سبزہ زار سکیم جے بلاک میں 23 کنال پر محیط رہائشی پلاٹوں کی اراضی کو قبرستان میں تبدیل کرنے کی بھی منظوری دی گئی۔
گورننگ باڈی نے ایل ڈی اے ایونیو ون کے باقی متاثرین کو پلاٹ الاٹ کرنے کے لیے ڈی جی ایل ڈی اے کو جلد قرعہ اندازی کروانے کی ہدایت کر دی۔
اجلاس میں ایریا ڈویلپمنٹ پراجیکٹ میں اضافے کی منظوری دی گئی۔ قربان لائن پولیس کی سیکورٹی بہتر کرنے کے پیش نظر شیر پاؤ پل کے قریب ایل ڈی اے ورکشاپ کی اراضی پنجاب پولیس ڈیپارنمنٹ کو الاٹ کی جائے گی۔
ریئل اسٹیٹ ڈیلرز اور ایل ڈی اے کے مابین ہم آہنگی اور رجسٹریشن کے لیے کمیٹی سے تجاویز طلب کر لی گئیں جبکہ گورننگ باڈی نے شہر کی دس سڑکوں پر کمرشلائزیشن سرگرمیاں شروع کرنے کی منظوری دے دی۔
مزید خبروں اور اپڈیٹس کیلئے وزٹ کیجئے گرانہ بلاگ۔
