لاہور: ڈی جی ایل ڈی اے نے ہاؤسنگ ونگ کے ڈائریکٹرز کیلئے اہداف مقرر کر دیے

لاہور: لاہور ڈویلپمنٹ اتھارٹی (ایل ڈی اے) کی طرف سے ہاؤسنگ ونگ کی کارکردگی کا جائزہ اجلاس منعقد کیا گیا۔ اجلاس میں ایل ڈی اے کے ڈائریکٹر جنرل/کمشنر لاہور محمد علی رندھاوا نے شرکاء سے خطاب کیا۔

تفصیلات کے مطابق انہوں نے ہاؤسنگ ونگ کے اندر مختلف ڈائریکٹوریٹ کے درمیان ہم آہنگی بڑھانے کی ضرورت پر زور دیا۔ نیز میٹنگ کے دوران ڈی جی نے ہاؤسنگ ونگ کے ڈائریکٹرز کو مخصوص اہداف تفویض کیے۔ اور ان پر زور دیا کہ وہ اپنی کارکردگی بہتر بنانے کے لیے ٹھوس اقدامات کریں۔علاوہ ازیں عوامی مسائل کا فوری حل بہت ضروری ہے اور کسی قسم کی تاخیر برداشت نہیں کی جائے گی۔

ڈی جی ایل ڈی اے کی جانب سے خدمات کی فراہمی میں اضافہ اور شہریوں کو ریلیف کی فراہمی کو اولین ترجیحات کے طور پر اجاگر کیا گیا۔

انہوں نے یہ بھی خبردار کیا کہ ون ونڈو سسٹم سے متعلق زیر التوا مقدمات کو کسی بھی صورت میں قبول نہیں کیا جائے گا۔

مزید یہ کہ دھاوا نے ون ونڈو سیل میں ردعمل کے اوقات کو بہتر بنانے کی اہمیت پر زور دیا۔ اور اعلان کیا کہ افسران کی انفرادی کارکردگی پر کڑی نظر رکھی جائے گی۔ اجلاس میں ایڈیشنل ڈی جی ہاؤسنگ سید منور بخاری، ڈائریکٹر ہاؤسنگ معظم رشید، احمد فراز، ظفر اقبال اور وسیم ظفر نے شرکت کی۔

مزید خبروں اور اپڈیٹس کیلئے وزٹ کیجئے گرانہ بلاگ۔