لاہور: صوبائی ترقیاتی ادارے لاہور ڈیویلپمنٹ اتھارٹی (ایل ڈی اے) نے شہر کی مصروف ترین شاہراہوں ایم ایم عالم روڈ اور مین بلیوارڈ گلبرک پر پیدل چلنے والوں کے لیے بین الاقوامی معیار کی سہولیات کی فراہمی یقینی بنانے کا فیصلہ کر لیا ہے اور جلد اس منصوبے پر کام شروع کر دیا جائے گا۔
ایل ڈی اے حکام کے مطابق لاہور کی چار بڑی شاہراہوں پر ٹریفک کے دباؤ کو کم کرنے کے لیے کی بین الاقوامی طرز پر ٹریفک کے لیے بند کرنے کا فیصلہ کیا ہے جبکہ اس منصوبے کے تحت ان شاہراہوں پر پیدل چلنے والوں کو بین الاقوامی معیار کی سہولیات فراہم کرنے کا فیصلہ کیا گیا ہے۔
حکام کا کہنا ہے کہ لاہور میں پہلی بار چار اہم سڑکوں پر ٹریفک بند کرنے کا پلان بنایا گیا ہے۔ یہاں پیڈیسٹرین زونز بنائے جائیں گے جن میں ایم ایم عالم روڈ، ملکہ ترنم نور جہاں روڈ، فردوس مارکیٹ چوک اور حسین چوک شامل ہیں ۔ان پیڈیسٹرین زونز کو مختلف طریقوں سے ملکی ثقافتوں کا عکاس بنایا جائے گا۔
ایم ایم عالم روڈ پر ہر سو میٹر کے بعد بیٹھنے کیلئے بینچز نصب کئے جائیں گے۔
علاوہ ازیں کمشنر لاہور نے بھی شہر میں سڑکوں، سروس لینز، سیفٹی فیچرز، ٹریفک، بیوٹیفکیشن و سہولیات کو بہتر بنانے پر زور دیا ہے۔
کمشنر لاہور نے پارکس اینڈ ہارٹیکلچر اتھارٹی کو ہدایات جاری کی ہیں کہ شہر میں کپڑے و پلاسٹک کے سٹیمرز کو فوری طور ختم کیا جائے۔
مزید خبروں اور اپڈیٹس کیلئے وزٹ کیجئے گرانہ بلاگ۔
