لاہور: لاہور ڈیویلپمنٹ اتھارٹی کی گورننگ باڈی نے رواں مالی سال کے لیے ادارے کا سالانہ بجٹ منظور کرلیا۔ بجٹ میں اتھارٹی کے پراجیکٹس سمیت مختلف ترقیاتی کاموں کے لیے 32.45 ارب روپے مختص کیے گئے ہیں۔
بجٹ کی منظوری کا یہ فیصلہ ایل ڈی اے وائس چیرمین ایس ایم عمران کی زیرِ صدارت ایک اجلاس میں سامنے آیا کہ جس میں صوبائی اسمبلی کے ممبران سعدیہ سہیل رانا، ملک مختار احمد اور محمد عاطف شریک ہوئے۔
ایل ڈی اے کے اربن ڈیویلپمنٹ ونگ کے لیے مختص شدہ وسائل کا تخمینہ 39.52 ارب لگایا گیا ہے جبکہ ترقیاتی اخراجات 25.87 ارب روپے کے ہوں گے۔
اس رقم میں 17.52 ارب روپے ایل ڈی اے اپنے ذرائع سے مہیا کریگا جبکہ 8.34 ارب روپے پنجاب حکومت کے سالانہ ترقیاتی پروگرام کے تحت ایل ڈی اے کو اپنی جانب سے مہیا کیے جائیں گے۔ ایل ڈی اے رہائشی اسکیموں پر 8 ارب 74 کروڑ روپے خرچ کریگا۔
منظور شدہ بجٹ میں بجٹ میں 40 کروڑ روپے ایل ڈی اے کے ایونیو ون کے لیے، شہر میں نئے عمارتوں کی تعمیر اور مرمت کے لیے 43 کروڑ اور 18 لاکھ روپے رکھے گئے ہیں۔ ایل ڈی اے سٹی میں اپارٹمنٹس، جو کہ سرکاری ملازمین کے لیے تعمیر کیے جائیں گے، کے لیے 3.43 ارب روپے مختص کیے گئے ہیں۔
اسی طرح کے اپارٹمنٹس کی تعمیر ننکانہ، قصور اور شیخوپورہ میں بھی ہوگی جن کے لیے ایک ارب روپے کی رقم مختص ہے۔ ایل ڈی اے کے ملازمین کے لیے رہائشی عمارت کی تعمیر کے لیے 10 کروڑ روپے رکھے گئے ہیں ۔
منظور شدہ بجٹ میں تین ارب روپے شہر میں دیگر ترقیاتی سکیموں پر خرچ کیے جائیں گے۔ ان سکیموں میں 50 کروڑ شہر کے ماسٹر پلان کی تیاری، لاہور میں گرین کوور یعنی سبزہ کاری کے لیے 15 کروڑ، ایل ڈی اے کے کمپیوٹر انٹیگریٹڈ سسٹم کے لیے 13 کروڑ روپے، ایریا ڈیویلپمنٹ پروگرام کے لیے 1.67 ارب روپے کی رقم، مختلف سڑکوں پر پیدل چلنے والوں کی سہولت کے لیے پلوں کی تعمیر کے لیے 10 کروڑ روپے مختص کیے گئے ہیں۔
تفصیلات کے مطابق پہلے سے جاری سکیموں کی تکمیل کے لیے دو ارب روپے صرف کیے جائیں گے، جوہر ٹاؤن میں انٹرٹینمنٹ پارک کی تعمیر کے لیے 33 کروڑ روپے، اسٹرکچر پلان روڈ کے نامکمل حصوں کے لیے 20 کروڑ روپے اور کنال روڈ انڈر پاس کے لیے ایک کروڑ 70 لاکھ روپے رکھے گئے ہیں۔
مزید خبروں اور اپڈیٹس کے لیے وزٹ کیجئے گرانا بلاگ۔
اسلام آباد: وفاقی ترقیاتی ادارےکیپیٹل ڈویلپمنٹ اتھارٹی (سی ڈی اے) نے ایک نئی ویب سائٹ…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے)کی انتظامیہ نے شہریوں کو…
اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کو پلاٹوں کی نیلامی…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے زیر اہتمام ہونے…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں…
Welcome to Graana Blog - Pakistan’s Smartest Property Portal!
For more than a decade our intention has been to revolutionise the real estate industry in Pakistan. The same belief drove the vision of our real estate team, Graana where quality beats quantity.
We have introduced an extremely transparent and purposeful portal where we will help you buy, rent or sell your property. A place where you can sit back relax and let us market your projects and listings. We believe we have set new standards for the future of real estate in Pakistan by providing the smartest property portal.
