لاہور: لاہور ڈیویلپمنٹ اتھارٹی نے ایل ڈی اے سٹی ہاؤسنگ سکیم کی جلد تکمیل کے لیے 49.54 ارب کا ترقیاتی بجٹ منظور کرلیا۔
یہ فیصلہ اس ضمن میں منعقد چھٹے اجلاس میں ہوا۔
ایل ڈی اے کی گورننگ باڈی کو نظر ثانی شدہ پی سی ون پر کام کرنے کی اجازت مل گئی ہے۔
مختص شدہ رقم کا ایک بڑا حصہ 200 فٹ چوڑی چناب سڑک کے لیے زمین حاصل کرنے پر خرچ کیا جائے گا جو کہ جناح سیکٹر کو فیروزپور روڈ سے ملائے گی۔
وزیرِ اعظم پاکستان عمران خان کی ہدایت پر اتھارٹی کی گورننگ باڈی کو 35 ہزار رہائشی اپارٹمنٹس کی تعمیر کے لیے کنسلٹنٹس کی خدمات حاصل کرنے کی اجازت بھی مل گئی ہے۔
اتھارٹی نے اپارٹمنٹس کی تعمیر کے لیے ٹیکنیکل اور فنانشل بڈنگ کھولنے کا بھی اعلان کردیا ہے۔
گورننگ باڈی نے کنسلٹنٹس کی تجویز کا جائزہ لینے کے لئے ایک کمیٹی بھی تشکیل دی ہے، جو گورننگ باڈی کے ممبر انجینئر ریاض قریشی کے ذریعہ چلائی جائے گی۔
ایل ڈی اے کے چیف انجینئر حبیب الحق رندھاوا کو کمیٹی کا شریک کنوینر نامزد کیا گیا ہے جس میں واسا کے منیجنگ ڈائریکٹر، ٹی ای پی اے کے چیف انجینئر اور یونیورسٹی آف انجینئرنگ اینڈ ٹکنالوجی، لاہور کے ماہرین شامل ہوں گے۔
نیا پاکستان ہاؤسنگ اسکیم کے تحت اپارٹمنٹ خریدنے کے خواہشمند شہریوں کے لئے برج فنانسنگ سہولت کا انتظام کرنے کی تجویز بھی زیرِ غور ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
