لاہور: معیاری تعلیم اور صحت کی بنیادی سہولیات کی فراہمی کے لیے لاہور ڈیویلپمنٹ اتھارٹی نے سوشل سیکٹر کے لیے اپنی نئی کمرشلائزیشن پالیسی میں مراعات کا اعلان کردیا ہے۔
لاہور ڈویلپمنٹ اتھارٹی کے وائس چیئرمین ایس ایم عمران نے حال ہی میں ایک اجلاس کی صدارت کرتے ہوئے یہ بات کہی۔
مراعات کی تفصیلات دیتے ہوئے انہوں نے کہا کہ تعلیم اور صحت کے مراکز سے دیگر کمرشل کاروباروں کے مقابلے میں نصف کمرشلائزیشن فیس وصول کی جائے گی۔
اُن کا کہنا تھا کہ ایک ماہ کی ادائیگی پر پانچ فیصد کی چھوٹ اس کے علاوہ دی جائے گی۔
انہوں نے کہا کہ لینڈ یوز رولز 2020 کے تحت زرعی زون میں اعلی تعلیم کے اداروں اور ہسپتالوں کے قیام کی بھی اجازت دی گئی ہے تاکہ تعلیمی سرگرمیوں کو فروغ دیا جاسکے اور شہریوں کو طبی امداد فراہم کرنے والوں کی بھی حوصلہ افزائی کی جاسکے۔
انہوں نے کہا کہ پراپرٹیز کی سالانہ کمرشلائزیشن 2024 تک مرحلہ وار کردی جائے گی۔
اُن کا کہنا تھا کہ تعلیم اور صحت کے شعبے سے وابستہ مستقل کاروباری سہولیات سے استفادہ کرنا چاہئے۔
انہوں نے کہا کہ اب ڈے کیئر سنٹرز 10 مرلہ اراضی پر تعمیر کیے جاسکتے ہیں جبکہ بالترتیب ایک کنال اور چار کنال زمین پر پرائمری اسکول اور ہائی اسکول کا قیام کیا جاسکتا ہے۔
اسی طرح پانچ مرلہ اراضی پر بھی ایک ڈسپنسری بنائی جاسکتی ہے جبکہ دو کنال اراضی پر پولی کلینک ہسپتال بنایا جاسکتا ہے۔
مزید خبروں اور اپڈیٹس کے لئے وزٹ کیجئے گرانہ بلاگ۔
