راولپنڈی ، نیا پاکستان ہاؤسنگ سکیم کے لیے جی ٹی روڈ کے قریب اراضی مختص کی جائے گی

راولپنڈی : نیا پاکستان ہاؤسنگ پراجیکٹ کے لیے  رہائشی تعمیرات جی ٹی روڈ کے قریب کی جائیں گی۔ راولپندی میں ائریا ڈویلپمنٹ سکیم تھری کے انتخاب کا جائزہ لیا گیا ہے۔جی ٹی روڈ کے قریب  ہاؤسنگ اسکیم زیر غور ہے جہاں پانی، بجلی کی سہولیات کی فراہمی باآسانی ہوسکے گی۔ڈپٹی کمشنرراولپنڈی چوہدری محمد علی رندھاوا نے ڈی سی آفس میں ڈسٹرک ہاؤسنگ کمیٹی راولپنڈی کے جائزہ اجلاس کی صدارت کی۔ اجلاس سے خطاب کرتے ہوئے انہوں نے کہا کہ کہ پنجاب ہاؤسنگ سوسائٹی کے ذریعے سرکاری محکموں اور لوگوں کو بنیادی سہولیات سے مزین ہائوسنگ سکیمز فراہم کی جا رہی ہیں۔ اس موقع پر ڈپٹی ڈائریکٹر پھاٹا کی جانب سے مختلف ایجنڈا پوائنٹس زیربحث لائے گئے۔ اجلاس میں گلزار قائد کے علاقے میں پولیس چوکی اور مسجد کی تعمیر کیلئے متبادل جگہوں پر غور کیا گیا اور ضلع کونسل کو ہدایت کی گئی کہ اس بارے تفصیلی رپورٹ پیش کرے۔