سیلاب زدہ علاقوں میں نوزائیدہ بچوں کی خوراک کی کمی کے باعث وزیراعظم پاکستان شہباز شریف نے نوزائیدہ بچوں کی خوراک بنانے والی کمپنیوں سے پیداوار بڑھانے کی درخواست کر دی۔
ویڈیو میسج میں وزیراعظم شہباز شریف نے نوزائیدہ بچوں کی خوراک بنانے والی کمپنیوں سے پیداوار بڑھانے اور اضافی پیداوار این ڈی ایم اے اور صوبائی ڈیزاسٹر مینیجمنٹ اتھارٹیز کو عطیہ کرنے کی درخواست کی۔
ویڈیو میسج میں ان کا کہنا تھا کہ پاکستان تاریخ کے مشکل ترین مرحلے سے گزر رہا ہے۔ انہوں نے بتایا کہ اقوامِ متحدہ کی جنرل اسمبلی کے اجلاس کے ساتھ بین الاقوامی ممالک کے سربراہان سے ملاقاتیں ہوئیں اور ان کو سیلاب کے باعث پیدا ہونے والی صورتحال اور موسمیاتی تبدیلی سے نمٹنے کے لیے تفصیلی بریفنگ دی۔
ان کا کہنا تھا کہ سیلاب کے باعث ملک بھر میں تقریبا 3 کروڑ 30 لاکھ افراد متاثر ہوئے جس کے نتیجے میں گھر، سڑکیں، فصلوں، پُلوں اور مویشیوں کا تقریباً 30 ارب ڈالر سے زائد کا نقصان ہوا۔ این ڈی ایم اے کے اعداد و شمار کے مطابق سیلاب سے 1500 سے زائد افراد ہلاک ہوئے جبکہ 12860 افراد زخمی ہوئے۔
مزید خبروں اور اپڈیٹس کیلئے وزٹ کیجئے گرانہ بلاگ۔
