راولپنڈی: راولپنڈی ڈیویلپمنٹ اتھارٹی کی جانب سے کچہری چوک تا موٹروے چوک سگنل فری کوریڈور پر لاگت کا تخمینہ دس ارب روپے لگایا گیا ہے۔ یاد رہے کہ 22 کلومیٹر طویل اِس کوریڈور منصوبے میں کچہری چوک تا موٹروے چوک تک پانچ انڈر پاس اور ایک فلائی اوور شامل ہے۔
آر ڈی اے حکام کے مطابق پی سی ہوٹل چوک میں انڈر پاس، جی ایچ کیو چوک میں انڈر پاس، جی پی او چوک میں ڈبل انڈر پاس، ایم ایچ چوک میں انڈر پاس، قاسم مارکیٹ چوک میں فلائی اوور جبکہ گولڑہ موڑ چوک میں انڈر پاس بنایا جائےگا۔
منصوبے کو سالانہ ترقیاتی پروگرام 2022-23 میں شامل کیا جائے گا۔
حکام کا کہنا ہے کہ منصوبہ کا پی سی ون پلاننگ اینڈ ڈویلپمنٹ بورڈ پنجاب کو بھجوایا جا چکا ہے۔ منصوبہ کی تکمیل سے موٹروے چوک تک سفر کا وقت ایک گھنٹہ سے کم ہوکر دس منٹ تک رہ جائے گا۔
آر ڈی اے حکام کا مزید بتانا ہے کہ سگنل فری کوریڈور میں میٹرو طرز پر ایک بس روٹ کو بھی شامل کرنے کی تجویز ہے تاکہ شہریوں کو سستی سفری سہولت بھی میسر آسکے۔
مزید خبروں اور اپڈیٹس کیلئے وزٹ کیجئے گرانہ بلاگ۔
