اسلام آباد: اسلام آباد ٹریفک پولیس (آئی ٹی پی) نے 23 مارچ کے پیشِ نظر اسلام آباد کے لیے ٹریفک پلان جاری کردیا۔
پلان کو ایس ایس پی ٹریفک فرخ رشید نے آئی جی پولیس اسلام آباد قاضی جمیل کے ہمراہ ترتیب دیا۔
پلان کے مطابق شب 12 بجے سے دن 2 بجے تک اسلام آباد میں ہیوی ٹریفک کی داخلی ممنوع ہوگی۔
پلان کے مطابق ایئرپورٹ راولپنڈی سے آنے والی ٹریفک کو ایکسپریس وے استعمال کرتے ہوئے کھنہ پُل سے ڈایورٹ کیا جائے گا۔
جنہوں نے اسلام آباد ایئرپورٹ یا لاہور جانا ہو وہ ناینتھ ایونیو، مری روڈ، راول روڈ اور کورال فلائی اوور کا استعمال کریں گے۔
فیض آباد ہر قسم کی ٹریفک کے لیے مکمل طور پر بند ہوگا جبکہ ایکسپریس وے کو کھنہ پُل سے بند کیا جائے گا۔
اسی طرح سے فیصل ایونیو کو زیرو پوائنٹ سے فیض آباد تک بند کیا جائے گا اور مری روڈ کو راول ڈیم چوک سے فیض آباد تک بند کیا جائے گا۔
مزید خبروں اور اپڈیٹس کے لیے وزٹ کیجئے گرانہ بلاگ۔
