دورِ جدید میں یو وی کچن کی اہمیت اور فوائد

صحت کا تعلق جہاں غذائیت سے بھرپور کھانوں اور مشروبات سے ہے وہیں صحت افزا اشیاء کی تازگی اور غذائیت کا دارومدار صاف و شفاف ماحول اور آب و ہوا پر منحصر ہے۔

گھروں کے کچن ہوں یا پھر بڑے ہوٹلوں اور قیام گاہوں کے، عمومی طور پہ بند کمروں پر مشتمل ہوتے ہیں۔ آب و ہوا کے  کم گزر اور صفائی ستھرائی کے ناقص انتظامات اور غیر معیاری ہونے کے باعث نہ صرف کھانوں بلکہ کھانے کی تیاری سے لے کر پکانے والی جگہوں اور کراکری جراثیم کی آماجگاہ بن کر انسانی صحت کی تباہی کا باعث بنتے ہیں۔

ٹیکنالوجی نے طرزِ زندگی میں بےشمار جدید تبدیلیاں پیدا کرتے ہوئے اسے اہمیت اور فوائد سے بھرپور بنا دیا ہے جس کی ایک مثال یو وی کچن ہیں جنہیں تیزی سے اپنایا جا رہا ہے۔

کچن میں یو وی ٹیکنالوجی نے وقت کی بچت اور صفائی ستھرائی کے محنت طلب کام کو بلاشبہ سہل کر دیا ہے۔

 

 

یو وی شعاعیں یعنی الٹرا وائلٹ لائٹ کیا ہے؟

یو وی لائٹ ٹیکنالوجی مختلف قسم کی ہوا اور پانی میں موجود جراثیم کو پاک کرنے کے لیے حل فراہم کرتی ہے۔جس میں یو وی لیمپ نمیاتی مرکبات کو توڑنے کے لیے استعمال ہوتے ہیں۔

یو وی سی جراثیم کش لیمپ بہت سے مقامات جیسے ہسپتال، اسکول، اور ریستوران وغیرہ میں ماحول صاف رکھنے کے لیے استعمال کیے جاتے ہیں جہاں نقصان دہ جراثیم کو ختم کرنا بہت ضروری ہے۔ مختلف اشیا اور مقامات کی مختلف سطحوں پر جرا ثیم ختم کر نے کے لیے بھی یو وی لیمپ کا استعمال کیا جاتا ہے۔

یو وی سی لیمپ کیا ہے؟

یو وی سی لیمپ  تابکاری ہوا، پانی، اور غیر محفوظ سطحوں کے جراثیم کو ختم کرنے کا کام کرتا ہے۔

کئی دہائیوں سے تپ دق جیسے بیکٹیریا کے پھیلاؤ کو کم کرنے کے لیے یو وی سی کا استعمال کیا جا رہا ہے اسی وجہ سے یو وی سی لیمپ کو اکثر  ’’جراثیم کش‘‘ لیمپ کہا جاتا ہے۔

 

 

یو وی کچن کیا ہے؟

کچن ایگزاسٹ سسٹم میں یو وی لیمپ، کچن کے ایگزاسٹ ہڈز میں بیکٹیریا اور چکنائی کو جمع ہونے سے روک کر بہت سے فوائد فراہم کرتے ہیں۔

یہ ٹیکنالوجی بدبو ختم کرنے اور چکنائی میں لگنے والی ممکنہ آگ کے خطرے کو کم کرکے ایک صاف شفاف، صحت مند اور محفوظ باورچی خانے کا سبب بنتی ہے۔

 

یو وی کچن ایگزاسٹ سسٹم کیسے کام کرتے ہیں

کچن ایگزاسٹ سسٹم مکینیکل فلٹرز سے چکنائی نکالنے کا بنیادی کام کرتے ہیں۔ کچن ہڈ ایگزاسٹ کامیابی سے چکنائی کے ذرات کو ہٹا دیتے ہیں۔ چھوٹے چکنائی کے ذرات اور بخارات جو باقی رہ جاتے ہیں مالیکیولز کو توڑنے کے لیے یو وی سی روشنی کے سامنے آتے ہیں۔ یہ عمل مؤثر طریقے سے چکنائی کی تعمیر کو روکتا ہے اور اس طرح دیکھ بھال، صفائی اور آگ کے خطرے کو کم کرتا ہے۔

 

فوٹولیسس اور اوزونولیسس

یو وی کچن ایگزاسٹ سسٹم میں یو وی سی لیمپ چکنائی کے ذرات کو دو الگ الگ عملوں کے ذریعے توڑ دیتے ہیں جنہیں فوٹوولیسس اور اوزونولیسس کہا جاتا ہے۔

فوٹولیسس چکنائی اور گریس کے ذرات کو توڑ دیتا ہے اور اوزونولیسس چکنائی کے مالیکیولز کو آکسائڈائز کرتا ہے۔

کچن میں یو وی لیمپ کس جگہ نصب کیا جائے؟

یو وی سی جراثیم کش لیمپ کو ہڈ ایگزاسٹ کے اندرونی حصے میں، ڈکٹ ورک کے اوپر یا پچھلے حصے میں سٹینلیس سٹیل کے فکسچر میں نصب کیا جا سکتا ہے۔ یو وی لیمپ کو کچن کے ایگزاسٹ سسٹم میں کم از کم 10 سینٹی میٹر کی علیحدگی کے ساتھ نصب کیا جانا چاہیے تاکہ موثر فوٹوولیسس ہونے کے لیے کافی وقفہ ہو۔

 

 

چکنائی کا خاتمہ

اوزونولیسس کا عمل، خارج ہونے والی ہوا میں چکنائی کے نامیاتی مرکبات کو تبدیل کرتا ہے۔

جس کے تحت کاربن ڈائی آکسائیڈ اور پانی کے بخارات کو صاف کرنا آسان ہو جاتا ہے اور چکنائی کے اخراج کی نالی اور ہڈ ایگزاسٹ سسٹم دونوں میں چکنائی کے ذخائر کو نمایاں طور پر کم کرنے کے لیے بہترین ثابت ہوتا ہے۔

کچن ہڈ ایگزاسٹ سسٹم میں یووی لیمپ کے فوائد

باورچی خانے کے ہڈ ایگزاسٹ کے زریعے دیکھ بھال، صفائی کے نظام کو بہتر کرنے اور چکنائی کو جمع ہونے سے روکا جاتا ہے جس سے چکنائی کو آگ لگنے کے امکانات کم ہو جاتے ہیں۔ اوزونالیسس چکنائی سے پیدا ہونے والی بدبو کو ختم کرتا ہے جو ایک مصروف ترین کمرشل کچن کے لیے ضروری ہے۔

یو وی کچن ایگزاسٹ سسٹم میں یو وی سٹرلائزیشن لیمپ ریستوران کے مالکان کو بہت سے فوائد حاصل کرنے میں مدد کرتے ہیں۔

یہ لیمپ باورچی خانے کے اخراج سسٹم میں جمع ہونے والی چکنائی کو نمایاں طور پر کم کرتے ہیں

کچن ایگزاسٹ، سسٹم میں آگ لگنے کے خطرے کو کم کرتا ہے۔

روازانہ کی بنیاد پر صفائی اور دیکھ بھال کے مسائل کے پیشِ نظر اخراجات کم ہوتے ہیں۔

کچن میں گرمی کے اثرات کو کم کرتا ہے۔

 

 

انٹرلاک سسٹم

اگرچہ یو وی سی ٹیکنالوجی محفوظ اور کیمیکل سے پاک ہے لیکن جِلد اور آنکھوں سے براہ راست ٹکراؤ سے گریز کیا جانا چاہیے۔ جدید یو وی سسٹم باورچی خانے کے دروازے اور راستے بند ہونے کی صورت میں یو وی لائٹس کو بند کر دیتا ہے تاکہ کچن میں کام کرنے والوں کی حفاظت ہو پائے۔

یہ ضروری ہے کہ یو وی سی جراثیم کش لیمپ اور ہڈ ایگزاسٹ سسٹم استعمال کیا جائے تاکہ باورچی خانے اور ریستوران کے کارکنوں کی حفاظت کو یقینی بنایا جا سکے۔  یو وی سی سسٹم کو کچن ہڈ ایگزاسٹس میں انٹرلاک سسٹم کے ساتھ نصب کیا جانا چاہیے تاکہ اس بات کو یقینی بنایا جا سکے کہ جب ایگزاسٹ سسٹم بند ہو یا فلٹر ہٹایا جائے تو یو وی لائٹس بند ہو جائیں۔

مزید خبروں اور اپڈیٹس کیلئے وزٹ کیجئے گرانہ بلاگ۔