امارات گروپ نے اپنے اگلے تعمیراتی پراجیکٹ امارات ریزیڈنسز کے قیام کا اعلان کردیا۔
اعلان سیرینا ہوٹل اسلام آباد میں مال آف عریبیہ اوپن ہاؤس میں کیا گیا جس میں شہرِ اقتدار کے رہنے والے افراد نے بڑی تعداد میں شرکت کی۔
تقریب میں چیئرمین امارات گروپ اور سی ای او گرانہ ڈاٹ کام جناب شفیق اکبر، گروپ ڈائریکٹرز فرحان جاوید، ارسلان جاوید، ڈائریکٹر ایجنسی 21 انٹرنیشنل شرجیل احمر اور ڈائریکٹر پراپشور تیمور الحق عباسی شریک ہوئے۔ تقریب میں اس پراجیکٹ کے ماڈل کی نقاب کشائی بھی کی گئی جو کہ حاضرین کی توجہ کا مرکز رہا۔
اس موقع پر چیئرمین امارات گروپ شفیق اکبر کا کہنا تھا کہ معیاری تعمیرات، مقررہ وقت میں ڈیلیور کردہ پراجیکٹس اور محفوظ اور آسان سرمایہ کاری کے اعلیٰ مواقع کی وجہ سے امارات گروپ کو مُلکی ریئل اسٹیٹ سیکٹر میں ایک منفرد مقام حاصل ہے۔ اُن کا کہنا تھا کہ امارات ریزیڈنسز ہمارا اگلا پراجیکٹ ہے اور یہ اپنی نوعیت کا پہلا ایسا رہائشی منصوبہ ہے جو کہ اسمارٹ لیونگ کا کانسیپٹ متعارف کروا رہا ہے۔
امارات ریزیڈنسز کا قیام امارات بزنس ڈسٹرکٹ میں کیا جارہا ہے جس سے بات واضح ہوتی ہے کہ یہ منصوبہ کمرشل اور ریزیڈینشل پراسپیکٹس کا ایک بہترین امتزاج ہوگا۔ معیاری ڈیزائن، ماڈیولر انٹیریرز اور توانائی کے بچاؤ کے اسمارٹ سسٹمز لیے یہ منصوبہ شہر کے دیگر رہائشی منصوبوں سے کئی منفرد ہے۔ چونکہ یہ منصوبہ بزنس سینٹرز کی قربت میں واقع ہے یہاں کے رہائشیوں کو ضروریاتِ زندگی کے تمام لوازمات ایک ہی احاطے میں دستیاب ہوں گے۔
