ریئل اسٹیٹ اور تعمیراتی شعبے پر بھاری ٹیکس کم کیا جائے۔ صدر آئی سی سی آئی

اسلام آباد: اسلام آباد چیمبر آف کامرس اینڈ انڈسٹری (آئی سی سی آئی) کے صدر احسن ظفر بختاوری نے حکومت سے مطالبہ کیا ہے کہ وہ ریئل اسٹیٹ اور تعمیرات کے شعبے پر بھاری ٹیکس کم کرے۔

تفصیلات کے مطابق، صدر آئی سی آئی کے نزدیک اس طرح کے اقدام سے قلیل مدت میں 5 سے 6 بلین امریکی ڈالرز کی نمایاں غیر ملکی سرمایہ کاری کو راغب کیا جا سکتا ہے۔ اور یہ اقدام اقتصادی بحالی میں مددگار ثابت ہوگا۔

مزید یہ کہ ایک اسٹیٹ ڈویلپرز کی جانب سے اپنے اعزاز میں دیے گئے استقبالیہ کے دوران صدر احسن ظفر بختاوری نے اس بات پر زور دیا کہ 70 کے قریب متعلقہ صنعتیں اپنی کاروباری سرگرمیوں کے لیے رئیل اسٹیٹ اور تعمیراتی شعبے پر انحصار کرتی ہیں۔ لہذا، اس شعبے کی ترقی کو فروغ دینے سے تمام متعلقہ صنعتوں پر مثبت اثر پڑے گا۔ اور ملک کی مجموعی اقتصادی ترقی کو تحریک ملے گی۔

انہوں نے یہ بھی نشاندہی کی کہ رئیل اسٹیٹ سیکٹر ترسیلات زر اور غیر ملکی سرمایہ کاری کو راغب کرنے کا ایک بڑا ذریعہ ہے۔ تاہم، بھاری ٹیکسوں کے نفاذ سے غیر ملکی ترسیلات میں نمایاں کمی واقع ہوئی ہے، جس کے نتیجے میں معاشی خلا پیدا ہوا ہے۔ اس کی وجہ سے رئیل اسٹیٹ اور تعمیرات میں جمود پیدا ہوا ہے، جس سے بے روزگاری کی شرح میں اضافہ ہوا ہے۔

اس کے علاوہ یہ کہ ان مسائل کے حل کے لیے، بختاوری نے حکومت سے مطالبہ کیا کہ وہ رئیل اسٹیٹ اور تعمیراتی شعبے پر ٹیکس کم کرے۔ غیر منقولہ جائیداد سے ڈیمڈ انکم پر ٹیکس واپس لے۔ اور اس شعبے کی ترقی کے لیے سازگار ماحول پیدا کرے۔

مزید خبروں اور اپڈیٹس کیلئے وزٹ کیجئے گرانہ بلاگ