اسلام آباد: وفاقی وزارتِ پلاننگ کی جانب سے پاور ڈویژن کو ہدایت کی گئی ہے کہ ایران کا 100 میگاواٹ پاور پراجیکٹ جلد مکمل کر لیا جائے۔
چائنہ پاکستان ایکنامک کوریڈور (سی پیک) کی ریویو میٹنگ کے دوران وفاقی وزیر برائے پلاننگ احسن اقبال نے پاور ڈویژن کے حکام کو ہدایت کی کہ ایران سے حاصل کی جانے والی 100 میگاواٹ بجلی کا منصوبہ اور نیشنل گرڈ کو گوادر سے منسلک کرنے کا منصوبہ جلد مکمل کر لیا جائے۔
اس بات کا قوی امکان ہے کہ وزیراعظم اگلے برس کے اوائل میں ان دونوں منصوبوں کا افتتاح کریں گے۔
رواں برس جون میں ایران اور پاکستان کے مابین 100 میگاواٹ بجلی کی سپلائی کا معاہدہ ہوا۔
پاکستان ایران سے جنوب مغربی بلوچستان کے اضلاع کے لیے 1999ء سے بجلی درامد کر رہا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
