اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے ریکارڈ ڈیجیٹل کرنے کے لیے بورڈ کے نئے رکن نعمان خالد کو ٹیکنالوجی اور ڈیجیٹلائزیشن ونگ کا سربراہ مقرر کر دیا ہے۔ سی ڈی اے کی تمام پالیسیاں، غیر قانونی اور قانونی ہاؤسنگ سکیمز کی مکمل تفصیلات کے علاوہ ان کے آپریٹرز کی تفصیلات سی ڈی اے کی ویب سائٹ پر دستیاب ہوں گی۔
تفصیلات کے مطابق ریکارڈ کو ڈیجیٹل کرنے کے لیے بنائے گئے نئے ونگ کے سربراہ نعمان خالد بطور ڈائریکٹر ٹیکنیکل، پاکستان ٹیلی کام اتھارٹی (PTA) خدمات انجام دے رہے تھے۔
سی ڈی اے کے چیئرمین نے ملاقات کے دوران انہیں مکمل تعاون کا یقین دلایا۔ اور ہدایت کی کہ وہ تمام ریکارڈ کو ڈیجیٹلائز کرنے کے لیے روڈ میپ تیار کریں۔ انہیں سی ڈی اے کی ویب سائٹ کی ری ویمپنگ سمیت تمام ریکارڈ کی ڈیجیٹلائزیشن کے عمل کو شروع کرنے کے اور اقدامات کو حتمی شکل دینے کے لیے 10 دن کا وقت دیا گیا ہے۔
مزید یہ کہ سی ڈی اے کے سربراہ کے مطابق نیا ونگ سی ڈی اے کے معاملات میں مڈل مین کے کردار کو ختم کرنے کے لیے بنایا گیا تھا۔ ان کا کہنا تھا کہ ٹیکنالوجی کا استعمال بدعنوانی کے خاتمے کا بہترین طریقہ ہے،” انہوں نے مزید کہا کہ یہ بدقسمتی کی بات ہے کہ سی ڈی اے کی زمین اور دیگر اہم ریکارڈ ابھی تک ڈیجیٹائز نہیں کیے گئے۔
علاوہ ازیں دستی نظام کی وجہ سے، اکثر مجھے فائلوں کی گمشدگی کے معاملات کو ہینڈل کرنا پڑتا ہے۔ میں نے متعلقہ ونگ کو ہدایت کی کہ فائل گم ہونے کے معاملے میں ملوث اہلکار کے خلاف ایف آئی آر درج کرائی جائے۔ انہوں نے کہا کہ سی ڈی اے کی تمام پالیسیاں، غیر قانونی اور قانونی ہاؤسنگ سکیمز کی مکمل تفصیلات کے علاوہ ان کے آپریٹرز کی تفصیلات سی ڈی اے کی ویب سائٹ پر دستیاب ہوں گی۔
ان کا مزید کہنا تھا کہ سی ڈی اے ای ٹینڈرنگ کے عمل کے لیے بھی جائے گا۔ نیز ریکارڈ ترقیاتی منصوبے شروع کرنے کے بعد اب میری توجہ سی ڈی اے میں مثبت تبدیلیاں لانا ہے۔ اور نئے ونگ کا قیام اصلاحات کی جانب ایک قدم ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
