فیڈرل بورڈ آف ریوینیو میں بڑے پیمانے پر تبادلے ، حکومت نے کاروباری لوگوں اور افسران کے مابین گٹھ جوڑ ختم کرنے کے لیے ایف بی آر کے اڑھائی ہزار 2500 افسران کو تبدیل کرنے کا فیصلہ کیا ہے۔
ایمنسٹی اسکیم کی شاندار کامیابی کے بعد ایف بی آر اپنے آئندہ اہداف کی تکمیل کے لیے کوشاں ہے ۔ مالی سال 2019ـ20 کے لیے 5.550ٹریلین روپے کی رقم کا ہدف مقرر کیا گیا ہے۔
گریڈ 14 سے 22 کے افسران کا تبادلہ کیا جائے گا۔ تبادلوں کا مقصد ان تمام لوگوں کو بھی ٹیکس نیٹ میں لانا ہے جو ابھی تک ٹیکس نیٹ سے باہر ہیں۔ ایمنسٹی سکیم کے تحت تقریباً ایک لاکھ مزید لوگوں کو ٹیکس نیٹ میں لایا گیا ہے۔
وزیر اعظم اس سلسلے میں اگلے ہفتے اعلی افسران کا اجلاس بلائیں گے۔ اس کے بعد بڑی تعداد میں تبادلے شروع کیے جائیں گے۔
ایف بی آر کے انٹیلی جنس کے افسران اور ان لینڈ ریوینیو کے تقریباً 2 ہزار ملازمین کو ان کے عہدوں سے ہٹایا جائے گا۔ کسٹم ونگ کے 500 افسروں کو بھی نئی ذمے داریاں سونپی جائیں گی۔ایف بی آر میں اسوقت ملازمین کی کل تعدا د 21 ہزار سے زائد ہے۔
ملازمین کے تبادلے کا مقصد ٹیکس چوری کو روکنا اور لوگوں کی صحیح آمدن کا پتا چلانا ہے۔
