اسلام آباد: گرانہ ڈاٹ کام نے اپنی سماجی ذمہ داریوں کو نبھاتے ہوئی جانوروں کے تحفظ کے لیے اسلام آباد کے سیکٹر ایچ ایٹ میں واقع رُوٹس انٹرنیشنل سکول میں فنڈز ریزنگ سے متعلق ایک آگاہی مہم کا اہتمام کیا جس میں سکول کے طلباء سمیت اساتذہ کی ایک بڑی تعداد نے شرکت کی۔ اس موقع پر طلباء نے جانوروں کے تحفظ اور بہبود کی اس مہم میں مالی امداد کے حوالے سے بڑھ چڑھ کر حصہ لیا۔ سکول کے اساتذہ نے طلباء کی حوصلہ افزائی کی اور انہیں جانوروں سے پیار اور ان کا خیال رکھنے کے حوالے سے ترغیب دی۔ گرانہ ایکس اینیملز بنیادی طور پر سماجی ذمہ داریوں کے حوالے سے ایک ایسا اقدام ہے جس کے تحت ابتدائی طور پر وفاقی دارالحکومت اسلام آباد میں لوگوں کو جانوروں کے تحفظ اور بہود کے حوالے سے آگاہی فراہم کرنے سے متعلق مہم کا آغاز کیا گیا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
