پاکستان نے ملک میں حالیہ سیلاب کی وجہ سے ہونے والے نقصانات کے بعد سیلاب متاثرین کی بحالی کے لیے ایشین ڈویلپمنٹ بینک سے امداد کی اپیل کر دی۔
حکام کے مطابق پاکستانی وفد نے ایشیائی ترقیاتی بینک کے بورڈ آف گورنرز کے 55ویں سالانہ اجلاس میں شرکت کی اور اس موقع پر بینک کے ایگزیکٹو بورڈ کے اراکین کے ساتھ گول میز اجلاس کے دوران بینک سے امداد کی اپیل کی۔ پاکستانی وفد کا کہنا تھا کہ مشکل کی اس گھڑی میں پاکستان کو زیادہ سے زیادہ امداد فراہم کی جائے تاکہ سیلاب متاثرین کی مکمل طور پر بحالی مؤثر انداز میں ممکن بنائی جا سکے۔
حکام کے مطابق پاکستان وفد کی قیادت وفاقی وزیر برائے اقتصادی امور ایاز صادق نے کی۔ اس موقع پر ایشیائی ترقیاتی بینک کی جانب سے 40 سے زائد ممالک کی نمائندگی کرنے والے ایگزیکٹو بورڈ کے نو اراکین اجلاس کا حصہ تھے۔
حکام کا کہنا ہے کہ پاکستانی وفد نے اس بات پر زور دیا کہ سیلاب سے متعلق امدادی سرگرمیوں کے لیے تعاون کے علاوہ ایشیائی ترقیاتی بینک پاکستان میں انفراسٹرکچر، ہاؤسنگ اور سیاحت کے شعبوں میں سرمایہ کاری میں اضافہ کرے۔
قبل ازیں وفاقی وزیر ایاز صادق نے ایشیائی ترقیاتی بینک کے صدرMasatsugu Asakawa سے ملاقات کی۔ وزارتِ اقتصادی امور کے حکام کا کہنا ہے کہ ملاقات کے دوران ایاز صادق نے پاکستان اور ایشیائی ترقیاتی بینک کی ترقیاتی شراکت داری، سیلاب کے موجودہ بحران، ضروریات کے تعین اور بحالی کی سرگرمیوں کے حوالے سے تفصیلی گفتگو کی۔ انہوں نے کورونا وبا کے بحران اور حالیہ سیلاب کے بعد متاثرین کی بحالی کے لیے ایشیائی ترقیاتی بینک کی کاوشوں کو سراہا۔
وفاقی وزیر نے بینک کے نائب صدر شیکسین چن سے بھی ملاقات کی۔ دونوں اطراف نے پاکستان میں بینک کے ترقیاتی پورٹ فولیو پر تبادلہ خیال کیا، جس میں بڑے اقتصادی سیکٹرز میں بینک کی سرمایہ کاری، پالیسی پر مبنی فنانسنگ اور مختلف شعبوں کے لیے تکنیکی سہولت کاری کو بھی زیرِبحث لایا گیا۔
مزید خبروں اور اپڈیٹس کیلئے وزٹ کیجئے گرانہ بلاگ۔
اسلام آباد: وفاقی ترقیاتی ادارےکیپیٹل ڈویلپمنٹ اتھارٹی (سی ڈی اے) نے ایک نئی ویب سائٹ…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے)کی انتظامیہ نے شہریوں کو…
اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کو پلاٹوں کی نیلامی…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے زیر اہتمام ہونے…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں…
Welcome to Graana Blog - Pakistan’s Smartest Property Portal!
For more than a decade our intention has been to revolutionise the real estate industry in Pakistan. The same belief drove the vision of our real estate team, Graana where quality beats quantity.
We have introduced an extremely transparent and purposeful portal where we will help you buy, rent or sell your property. A place where you can sit back relax and let us market your projects and listings. We believe we have set new standards for the future of real estate in Pakistan by providing the smartest property portal.
