وسطی ایشیا کو سی پیک میں شامل کرنے کا منصوبہ بحال

وفاقی حکومت نے وسط ایشیائی ممالک کو سی پیک میں شامل کرنے کا منصوبہ بحال کر دیا۔

حکام کے مطابق وفاقی حکومت نے وزارتِ پلاننگ، ڈویلپمنٹ اور ریفارمز کو حکم دیا ہے کہ پشاور سے تورخم اور افغانستان کی سرحد سے وسط ایشیائی ممالک تک سڑک کی تعمیر کے منصوبے کو بحال کر دے۔

یاد رہے کہ اس وقت تاجکستان تا افغانستان، افغانستان کے اندر اور افغانستان کو پاکستان سے منسلک کرنے کے لیے سڑکوں کے انفراسٹرکچر پر تعمیر کا کام جاری ہے۔ پشاور کو تورخم اور وسطی ایشیا سے منسلک کرنے کا پراجیکٹ فی الحال پائپ لائن میں ہے۔

اس بات کا قوی امکان ہے کہ پاکستان کی جانب سے یہ پراجیکٹ شنگھائی کوآپریشن آرگنائزیشن (ایس سی او) کے سامنے پیش کیا جائے گا۔

وسط ایشیائی ممالک میں قازقستان، کرغزستان، تاجکستان، ترکمانستان اور ازبکستان شامل ہیں۔ سڑک کی تعمیر پاکستان اور افغانستان کو وسطی ایشیا سے منسلک کر دے گا جس سے یہ دونوں ممالک بھی مستفید ہوں گے۔ قدرتی معدنیات سے مالامال ان ممالک تک پاکستان کی رسائی آسان ہو جائے گی۔

اس منصوبے کی بدولت سی پیک کے دروازے خطے میں موجود دوسرے ممالک کے لیے بھی کُھل جائیں گے اور وہ اس سے بھرپور فائدہ اٹھا سکیں گے۔

مزید خبروں اور اپڈیٹس کیلئے وزٹ کیجئے گرانہ بلاگ۔