سیالکوٹ: وزیرِ اعلیٰ پنجاب کے معاون خصوصی برائے تجارت و سرمایہ کاری سردار تنویر الیاس کا کہنا ہے کہ حکومت نے برآمدات بڑھانے کا عمل تیز کردیا ہے اور اس ضمن میں مقامی صنعتکاروں کے تعاون سے ایک باضابطہ پالیسی بھی بنائی جا رہی ہے۔
وہ سیالکوٹ چیمبر آف کامرس اینڈ انڈسٹری میں کاروباری برادری سے ملاقات کررہے تھے جس میں اُن کا کہنا تھا کہ حکومت کاروباری طبقے کے مسائل سے مکمل طور پر آگاہ ہے۔
اُنہوں نے کہا کہ اس ضمن میں حکومت تمام تر اقدامات کررہی ہے کہ تاجر برادری کو ریلیف فراہم کیا جائے۔
اُنہوں نے پاکستان کے کُل برآمدات میں سیالکوٹ شہر کے کردار کی تعریف کی اور کہا کہ بین الاقوامی سطح پر یہاں سے کیے گئے برآمدات کی بہت مانگ ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
