اسلام آباد: وزارت انفارمیشن ٹیکنالوجی نے یونیورسل سروس فنڈ (یو ایس ایف) کے اشتراک سے چاروں صوبوں، اسلام آباد اور گلگت بلتستان میں “اسمارٹ ولیج” منصوبے کا آغاز کر دیا ہے۔
ابتدائی طور پر اس منصوبے کے تحت اسلام آباد، پنجاب، بلوچستان، سندھ، خیبر پختونخوا اور گلگت بلتستان میں ایک ایک اسمارٹ ولیج قائم کیا جائے گا جبکہ بین الاقوامی ٹیلی مواصلاتی یونین کے ذریعے اس منصوبے کے لیے مالی معاونت اور تکنیکی مدد فراہم کی جائے گی۔
وفاقی وزیر برائے انفارمیشن ٹیکنالوجی سید امین الحق نے وفاقی سیکرٹری محمد سہیل راجپوت، چیف ایگزیکٹو آفیسر(یو ایس ایف) برائے جنوب مشرقی ایشیا ڈاکٹر اسماعیل شاہ کے ہمراہ منصوبے کا افتتاح کیا۔
وفاقی وزیر کا کہنا ہے کہ اسمارٹ ولیج منصوبہ یو ایس ایف کے ذریعے آئی ٹی یو اور ہواوے کے باہمی اشتراک سے قابل عمل بنایا جا رہا ہے تاکہ صحت، تعلیم، تجارت اور معیشت کے شعبے میں ڈیجیٹل خدمات کے ذریعے دور دراز اور دیہی علاقوں کے مکینوں کو بااختیار بنایا جا سکے۔
مزید خبروں اور اپڈیٹس کے لیے وزٹ کیجئے گرانہ بلاگ۔
