اسلام آباد: وزارت تجارت کی جانب سے 5 سال کے لیے نئی پالیسی جاری کی گئی ہے جس کے تحت برآمدات 57 ارب ڈالرز تک پہنچانے کا ہدف مقرر کیا گیا ہے۔
نئی تجارتی پالیسی کے تحت ویلیو ایڈڈ ٹیکسٹائل اور ٹیکسٹائل برآمدات کا ہدف 40 ارب ڈالرز مقرر کرنے اور چمڑے کی برآمدات ایک ارب 38 کروڑ 40 لاکھ ڈالرز تک بڑھانے کا ہدف مقرر کیا گیا ہے۔
حکومت کی جانب سے جاری کی گئی نئی پالیسی میں فوڈ اور مشروبات کی برآمدات کا ہدف ایک ارب 53 کروڑ 60 لاکھ ڈالرز، پھل اور سبزیوں کی برآمدات کا ہدف ایک ارب 36 کروڑ 90 لاکھ ڈالرز ، سرجیکل آلات کی برآمدات 82 کروڑ 10 لاکھ ڈالرز تک بڑھانے اور چاول کی برآمدات کا ہدف 3 ارب ڈالرز سے زائد مقرر کیا گیا ہے۔
دوسری جانب پالیسی میں برآمدات کے 18 شعبوں کو ترجیحی فہرست میں شامل کردیا گیا ، ترجیحی فہرست میں7 روایتی اور 11 ڈیولپمنٹ شعبے شامل ہیں جب کہ تجارتی پالیسی پر عمل درآمد کیلئے مانیٹرنگ سسٹم تشکیل دیدیا گیا ہے اور مانیٹرنگ کیلئے بورڈ بھی قائم کیا گیا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
