سیکیورٹیز اینڈ ایکسچینج کمیشن آف پاکستان (ایس ای سی پی) حکام نے بتایا کہ جرمن اماراتی جوائنٹ کونسل فار انڈسٹری اینڈ کامرس کے ایک وفد نے ریگولیٹری فریم ورک کو سمجھنے اور پاکستان میں سرمایہ کاری کے مواقع تلاش کرنے کے لیے گذشتہ روز ایس ای سی پی کا دورہ کیا۔
ایس ای سی پی حکام کے مطابق ایس ای سی پی کے چیئرمین عامر خان نے وفد کا خیرمقدم کیا اور کاروباری ماحول کو بہتر بنانے کے لیے ایس ای سی پی کے ریگولیٹری فریم ورک اور حالیہ اصلاحات کے بارے میں بریفنگ دی۔
ایس ای سی پی چیئرمین نے ملکی و غیر ملکی تمام شیئر ہولڈرز کو یکساں طور پر دیے جانے والے حقوق و فوائد پر بھی روشنی ڈالی۔
حکام کے مطابق ایس ای سی پی رجسٹرار آف کمپنیز مبشر سدوزئی نے وفد کو پاکستان میں کمپنیوں کی اقسام اور ملک میں کاروبار کے ماحول کو سازگار بنانے کے لیے ای ای سی پی کی جانب سے کی گئی اصلاحات کے بارے میں بریفنگ دی۔
انہوں نے ایس ای سی پی کی جانب سے کی گئی اصلاحات کے بارے میں معلومات شیئر کیں جن میں کارپوریشن کے عمل کی اینڈ ٹو اینڈ ڈیجیٹائزیشن، ڈیجیٹل سرٹیفائیڈ ٹرو کاپیز (سی ٹی سیز)، آن لائن بینک پورٹل، مختلف غیر ملکی زبانوں میں کارپوریشن گائیڈز، اور ہر طرح کے سوالات کے بروقت جواب کے لیے مستعد واٹس ایپ سروس شامل ہیں۔
حکام کا کہنا تھا کہ وفد کے ارکان نے پاکستان میں غیر ملکی کمپنیوں کو سرمایہ کاری میں سہولت فراہم کرنے میں ایس ای سی پی کے کردار کے حوالے سے جاننے میں دلچسپی کا اظہار کیا۔
ایس ای سی پی حکام نے وفد کی طرف سے پوچھے گئے سوالات کا جامع طور پر جواب دیا اور کیپٹل مارکیٹ، انشورنس اور نان بینکنگ فنانشل سیکٹر سے متعلق سوالات کے جوابات دیئے۔
مزید خبروں اور اپڈیٹس کیلئے وزٹ کیجئے گرانہ بلاگ۔
