لاہور: پنجاب حکومت کے زیرِانتظام مالیاتی امور کے ادارے صوبائی ڈویلپنٹ ورکنگ پارٹی نے اپنے حالیہ اجلاس میں 6 ارب 25 کروڑ روپے لاگت کے 4 ترقیاتی منصوبوں کی منظوری دی۔
ان ترقیاتی منصوبوں کی منظوری صوبائی ڈویلپمنٹ ورکنگ پارٹی پنجاب کے رواں مالی سال کے 71ویں اجلاس میں دی گئی۔
چئیرمین پلاننگ اینڈ ڈویلپنٹ بورڈ عبداللہ خان سنبل کے مطابق ان چار منظور شدہ منصوبوں میں سیکنڈری ہیلتھ کئیر اینڈ میڈیکل ایجوکیشن، فزیکل پلاننگ اور ہاؤسنگ سیکٹر شامل ہیں۔
علاوہ ازیں منظور شدہ منصوبوں میں تھیلیسمیا یونٹ اینڈ بون میرو ٹرانسپلانٹ سینٹر اور بی وی اسپتال بہاولپور کی اَپ گریڈیشن قابلِ ذکر ہے۔
اس کے ساتھ راولپنڈی کے نواحی علاقے کوٹلی ستلیاں میں نیو دھرجاوا واٹر سپلائی اسکیم اور کہوٹہ میں واٹر سپلائی اور نکاسیءآب کے نظام کا دائرہ کار بڑھانا بھی منظور شدہ منصوبوں میں شامل ہیں۔
علاوہ ازیں کمالیہ شہر کے لئے جامع واٹر سپلائی اسکیم اور گوجرہ شہر کے نکاسیءآب کے نظام کی بحالی بھی منظور شدہ منصوبوں میں شامل ہے۔
اس کے علاوہ مختلف شہروں میں سڑکوں کی تعمیر اور بحالی بھی منظور کئے گئے منصوبوں کا حصہ ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
