اسلام آباد: وفاقی حکومت نے رواں مالی سال کی پہلے 3 سہ ماہیوں کے دوران ملک میں جاری اور نئے ترقیاتی منصوبوں کی تعمیر کو یقینی بنانے کے لئے 603 ارب روپے کے فنڈز جاری کیے۔
وزارت منصوبہ بندی، ترقی و اصلاحات کے مطابق گزشتہ سال جولائی کے مہینے سے رواں سال مارچ تک ملک میں مجموعی طور پر ملک میں چھوٹے، درمیانے اور بڑے ترقیاتی منصوبوں پر تعمیراتی کام تیزی سے جاری ہے۔
وزارت کی جانب سے جاری کردہ اعداد و شمار کے مطابق ہاؤسنگ اینڈ ورکس ڈویژن کے زیرِانتظام سرکاری ملازمین کے لئے مختص رہائشی فلیٹس کی تزئین و آرائش اور نئے تعمیراتی منصوبوں کے لئے مذکورہ عرصے کے دوران 15 ارب روپے کے قریب فنڈز جاری کئے گئے۔
علاوہ ازیں انڈسٹریز اینڈ پروڈکشن کو 1 ارب 75 کروڑ روپے جبکہ ملک بھر میں مرکزی شاہراہوں کی بحالی و مرمت کے لئے شعبہ مواصلات کو 89 ارب 66 کروڑ روپے کے فنڈز کا اجراء کیا گیا۔
مزید خبروں اور اپڈیٹس کیلئے وزٹ کیجئے گرانہ بلاگ۔
