وفاقی کابینہ کی کیپیٹل ماس ٹرانزٹ اتھارٹی کے قیام کی منظوری

اسلام آباد: وزیرِ اعظم کی زیرِ صدارت وفاقی کابینہ کے اجلاس میں کیپیٹل ماس ٹرانزٹ اتھارٹی کے قیام کی منظوری دے دی گئی۔

یہ اتھارٹی 13 اراکین پر مشتمل ہوگی جس کے سربراہ چیرمین سی ڈی اے ہوں گے۔

اس اتھارٹی کا قیام خصوصاً پشاور موڑ سے اسلام آباد انٹرنیشنل ایئرپورٹ تک میٹرو بس سروس کی رسائی کے لیے عمل میں لایا گیا ہے۔

وزارتِ داخلہ نے حال ہی میں سی ڈی اے کے پی سی ون کی منظوری دی جس کے تحت سی ڈی اے 30 بسوں کی خریداری کرے گی اور سروس کی تمام تر منیجمنٹ کو اپنے ذمے لے گی۔

چیرمین این ایچ اے اس 13 رکنی اتھارٹی کے وائس چیئرمین ہوں گے جبکہ آئی جی اسلام آباد، ٹرانسپورٹ اتھارٹی اسلام آباد کے چیرمین، محکمہء موسمیاتی تبدیلی کے افسران، سی ڈی کے ممبر پلاننگ، پلاننگ کمیشن کے ممبر اور پرائیویٹ سیکٹر کے دو اراکین بھی اس اتھارٹی کے ممبران میں شامل ہوں گے۔

اتھارٹی ٹرانسپورٹ راہداریوں، اسٹیشنز اور ڈپو کا قیام عمل میں لائے گی اور ذیلی سہولیات کا انتظام اور مجموعی ڈیویلپمنٹ دیکھے گی۔

اتھارٹی مستقبل میں راہداریوں کی توسیع، نئے پراجیکٹس کی منصوبہ بندی، اُن کی تعمیر، چلانے اور برقرار رکھنے کا کام بھی کرے گی۔

مزید خبروں اور اپڈیٹس کے لیے وزٹ کیجئے گرانا بلاگ۔