چیف فنانشنل آفیسر (سی ایف او) فیصل بینک سید ماجد علی کا کہنا ہے کہ فیصل بینک 2023 سے مکمل اسلامی بینک میں تبدیل ہو جائے گا۔
میڈیا کو بریفنگ دیتے ہوئے سی ایف او فیصل بینک کا کہنا تھا کہ بینک کے بورڈ آف ڈائیریکٹرز کی جانب سے اسلامی بینک کا لائسنس اپلائی کرنے کی منظوری لے لی گئی ہے۔
ان کا کہنا تھا کہ بینک کے 90 فیصد آپریشنز اسلامی بینکاری کے اصولوں کے عین مطابق کر دیے گئے ہیں۔ روایتی بینک سے اسلامی بینک میں تبدیلی نہ صرف پاکستان بلکہ دنیا بھر میں ایک منفرد مثال ہو گی۔
اس موقع پر فیصل بینک کے ہیڈ اسلامک بینکنگ محمد فیصل شیخ کا کہنا تھا کہ ہاؤس فنانس میں اسلامک بینکنگ کے 60 فیصد شئیرز ہیں جبکہ پوری بینکنگ انڈسٹری میں اسلامک بینکنگ محض 20 فیصد شئیرز ہیں۔
ان کا کہنا تھا کہ بینک اس وقت پانچ لاکھ صارفین کو سروسز فراہم کر رہا ہے۔ فیصل کی اس وقت کُل 638 اسلامی بینکاری کی برانچز کام کر رہی ہیں اور صرف ایک برانچ اسلامک بینکنگ میں تبدیل ہونا باقی ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
