اسلام آباد؛ ذرائع کے مطابق ایف بی آر نے ٹیکس سال 2018 کے لیے انکم ٹیکس کے گوشوارے جمع کروانے کی تاریخ میں توسیع کردی ہے۔ اب انکم ٹیکس گوشوارے 2 اگست 2019 تک جمع کروائے جا سکتے ہیں۔ اس سلسلے میں ایف بی آر نے ایک نوٹیفکیشن جاری کیا ہے۔ نوٹیفیکشن کی تفصیلات کے مطابق ایک ہزار سی سی سے زائد گاڑی رکھنے والا، دوہزار مربع فٹ یا زائد کا کورڈ ایریا ، پانچ سو مربع گز کی غیر منقولہ جائیداد کے مالکان کے لیے انکم ٹیکس جمع کرانا لازمی قرار دیا گیا ہے ، 2 اگست کی تاریخ تک مذکورہ جائیداد کے مالکان بھی انکم ٹیکس گوشوارہ جمع کرا کر مستفید ہو سکتے ہیں ، انفرادی اور ایسوسی ایشن آف پرسنز کے لیے انکم ٹیکس گوشوارے جمع کرانے کی تاریخ میں بھی توسیع کی گئی ہے۔
