پاکستان میں متبادل توانائی کی اشد ضرورت ہے، معاشی ماہرین

کراچی میں متبادل توانائی کے موضوع پر سیمینار سے خطاب کرتے ہوئے معاشی ماہرین کا کہنا تھا کہ پاکستان میں متبادل توانائی کی اشد ضرورت ہے۔

سیمینار سے خطاب میں سابق گورنر اسٹیٹ بینک شمشاد اختر کا کہنا تھا کہ ہمارا ملک دوسرے ملکوں کی گرین ہاؤس گیسز کا نشانہ بنا ہے۔ پاکستان موسمیاتی تبدیلی کے حساب سے پانچواں ملک ہے۔ ان کا کہنا تھا کہ ہم حد سے زیادہ درامدات پر انحصار کر رہے ہیں۔

اس موقع پر ایس ڈی پی آئی کے ایگزیکٹو ڈائریکٹر عابد سلیری نے خطاب کرتے ہوئے کہا کہ متبادل توانائی ملک کے لیے نہایت اہم ہے لیکن یہ بھی دیکھنا ضروری ہے کہ شمسی توانائی سے چلنے والے ٹیوب ویل کے باعث زیرِزمین پانی کی سطح کمی کا شکار نہ ہو جائے۔

ماہرین کے مطابق پاکستان توانائی پیدا کرنے کے مہنگے ذرائع پر انحصار کرتا ہے۔ ضرورت اس امر کی ہے کہ توانائی کی پیداوار کے لیے مناسب اور معیاری متبادل ذرائع کا انتخاب کیا جائے تاکہ توانائی کی پیداوار پر آنے والی لاگت میں کمی کی جا سکے۔

مزید خبروں اور اپڈیٹس کیلئے وزٹ کیجئے گرانہ بلاگ۔