لاہور: راوی اربن ڈویلپمنٹ اتھارٹی (RUDA)، پنجاب ایگریکلچرل مارکیٹنگ ریگولیٹری اتھارٹی (PAMRA) اور محکمہ زراعت کے زیر اہتمام ایک جدید پھل اور سبزی منڈی کے قیام پر تبادلہ خیال کے لیے اسٹیک ہولڈرز کا اجلاس طلب کیا گیا۔ اس اجلاس میں فروٹ اینڈ سبزی منڈی، مارکیٹ کمیٹی ایسوسی ایشنز اور پیمرا کے عہدیداروں کی نمائندگی کرنے والے متعدد افراد نے شرکت کی۔
تفصیلات کے مطابق روڈا کے سی ای او عمران امین نے راوی ڈویلپمنٹ اتھارٹی کے احاطے میں ایک جدید سبزی منڈی کے قیام کی اہمیت کو اجاگر کو کیا۔ نیز انہوں نے بتایا کہ یہ اقدام پنجاب حکومت کی ہدایات کے مطابق ہے۔ اور کئی اہم مسائل کو حل کرنے میں اہم کردار ادا کر سکتا ہے۔
مزید یہ کہ ان میں تازہ مصنوعات کی بڑھتی ہوئی طلب کو پورا کرنا، کسانوں اور تاجروں کے روزگار میں اضافہ، قیمتوں اور مصنوعات کے معیار کو ریگولیٹ کرنا، خوراک کے ضیاع کو کم کرنا، پائیداری اور لاہور میں غذائی تحفظ شامل ہے۔
زراعت کی سپیشل سیکرٹری کلثوم حئی نے سبزی اور پھل منڈی کے اسٹیک ہولڈرز کے تحفظات کا اعتراف کیا۔ اور تمام اسٹیک ہولڈرز کی ترقی اور فائدے کے لیے حکومت کی جانب سے مکمل تعاون کا یقین دلایا۔ نیز انہوں نے اس بات کی تصدیق کی کہ نئی سبزی منڈی اسٹیک ہولڈرز کی توقعات اور ضروریات کے مطابق قائم کی جائے گی۔
مزید برآں، انہوں نے ان کی منفرد خصوصیات پر زور دیتے ہوئے ایک سہولتی مرکز، ایک تحقیقی مرکز، بیج کی تقسیم کے مرکز، ایک جدید ذخیرہ کرنے کی سہولت اور ایک کنٹرول روم کے منصوبوں کا خاکہ بھی پیش کیا۔
مزید خبروں اور اپڈیٹس کیلئے وزٹ کیجئے گرانہ بلاگ
