اسلام آباد: عالمی مالیاتی ادارے نے اپنی حالیہ رپورٹ میں کہا ہے کہ پاکستانی معیشت مالی سال 2021 میں بہتری کی جانب گامزن ہوگی۔
اس رپورٹ میں مختلف ممالک کے کوویڈ 19 کے پیشِ نظر کیے جانے والے پالیسی اقدامات پر بات کی گئی ہے جس میں کوویڈ 19 کے بحران سے نمٹنے کے لئے پاکستان کے مارچ کے بعد سے اٹھائے گئے مختلف اقدامات کا جائزہ لیا گیا ہے۔
حکومت کی معیشت کی بحالی کے لیے، لیے گئے اقدامات میں لاک ڈاؤن میں نرمی، اسمارٹ لاک ڈاؤن کا نفاذ، ہائی رسک علاقوں کی بندش اور ٹیسٹنگ شامل ہیں۔
حکومت نے 1.2 ٹریلین روپے مالیت کے امدادی پیکیج کا بھی اعلان کیا جس کے ذریعے دیہاڑی دار طبقے کی مدد کے لئے 200 ارب روپے مختص کیے گئے۔ کم آمدنی والے طبقے کے لئے 144 ارب روپے کی امداد مختص کی گئی ہے۔رپورٹ کے مطابق وفاقی حکومت برآمدی صنعت کے لیے ٹیکس ریفنڈ میں بھی تیزی لائی جس ضمن میں تقریبا 65 فیصد رقم ابھی تک واپس کر دی گئی ہے۔
چھوٹے اور درمیانے درجے کے کاروباری اداروں یعنی ایس ایم ایز اور زراعت کے شعبے کو مالی امداد میں بھی اعلان کردہ ریلیف پیکیج کے تحت توسیع کی گئی ہے۔
معیشت کا جام پہیہ چلانے کے لیے حکومت نے تعمیراتی صنعت کے لئے 100 ارب روپے کے امدادی پیکیج کا اعلان کیا۔
رپورٹ کے مطابق جاری کردہ ایس او پیز پر عمل درآمد کرتے ہوئے کم خطرے والی صنعتوں اور چھوٹی دکانوں کو جلد سرگرمیاں شروع کرنے کی اجازت دی گئی البتہ اس بات کا دھیان رکھا گیا کہ رش سے بچنے کے لیے دکانیں ہفتے کے آخر میں بند رہیں۔
وفاقی اور صوبائی حکومتوں نے امدادی رقوم کی نیشنل ڈیزاسٹر مینجمنٹ اتھارٹی کو منتقلی کے ساتھ، طبی سامان، گندم اور دیگر اشیائے خوردونوش کی خریداری کے لئے بھی فنڈز مختص کیے۔ملکی اور بین الاقوامی سفر پر عائد پابندیوں کو بھی ختم کردیا گیا ہے۔
حکومت فلحال تعلیمی اداروں میں دوبارہ تعلیمی سرگرمیوں کے آغاز پر توجہ مرکوز کیے ہوئے ہے۔
مزید خبروں اور اپڈیٹس کے لیے وزٹ کیجئے گرانا بلاگ۔
اسلام آباد: وفاقی ترقیاتی ادارےکیپیٹل ڈویلپمنٹ اتھارٹی (سی ڈی اے) نے ایک نئی ویب سائٹ…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے)کی انتظامیہ نے شہریوں کو…
اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کو پلاٹوں کی نیلامی…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے زیر اہتمام ہونے…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں…
Welcome to Graana Blog - Pakistan’s Smartest Property Portal!
For more than a decade our intention has been to revolutionise the real estate industry in Pakistan. The same belief drove the vision of our real estate team, Graana where quality beats quantity.
We have introduced an extremely transparent and purposeful portal where we will help you buy, rent or sell your property. A place where you can sit back relax and let us market your projects and listings. We believe we have set new standards for the future of real estate in Pakistan by providing the smartest property portal.
