اسلام آباد: اقتصادی رابطہ کمیٹی (ای سی سی) نے برآمدی شعبے کو بجلی اور گیس پر 60 ارب روپے کی سبسڈی فراہم کرنے کی منظوری دے دی۔
ٹیکسٹائل، لیدر، کارپٹ، سرجیکل اور کھیلوں کے سامان کی صنعت کو درآمدی گیس 9 ڈالر فی ایم ایم بی ٹی یو جبکہ بجلی 9 سینٹ فی یونٹ فراہم کی جائے گی۔
وفاقی کابینہ کی اقتصادی رابطہ کمیٹی کا اجلاس وزیر خزانہ مفتاح اسماعیل کی زیر صدارت منعقد ہوا۔
ای سی سی نے علاقائی تقابلی ریٹس کے مطابق موجودہ مالی سال کے دوران برآمدی شعبے کیلئے بجلی اور گیس کی نئی قیمتوں کی منظوری دے دی۔
ای سی سی کے مطابق ٹیکسٹائل، لیدر، کارپٹ، سرجیکل آلات اور کھیلوں کے سامان سمیت 5 برآمدی شعبوں کو آر ایل این جی درآمدی گیس 9 ڈالر فی ایم ایم بی ٹی یو فراہم کی جائے گی جبکہ مقامی گیس بھی 1350 روپے فی ایم ایم بی ٹی یو کے حساب سے مہیا کی جائے گی۔
یاد رہے کہ نئے بجٹ میں گیس پر سبسڈی کی مد میں 40 ارب روپے مختص کئے گئے ہیں۔
ای سی سی کے مطابق اس کے علاوہ 5 برآمدی شعبوں کو بجلی بھی 9 سینٹ فی یونٹ کے ریٹ پر فراہم کرنے کا فیصلہ کیا گیا ہے۔
وزارت خزانہ کے مطابق نئے ریٹس کا اطلاق یکم اگست 2022ء سے یوگا۔
بجلی پر سبسڈی کیلئے 20 ارب روپے مختص کئے گئے ہیں جبکہ سبسڈی کا سہ ماہی بنیاد پر جائزہ بھی لیا جائے گا۔
رپورٹ کے مطابق اس فیصلے سے مینوفیکچرنگ سیکٹر کی لاگت میں کمی اور ملکی برآمدات میں اضافہ ہوگا۔
ای سی سی کے حالیہ فیصلے کے بعد برآمدی شعبے کو بجلی اور گیس کی فراہمی کا اطلاق ملک بھر میں یکساں طور پر ہوگا۔
پیٹرولیم ڈویژن اگلے ایک مہینے کے دوران بجلی اور گیس پر سبسڈی حاصل کرنیوالے صنعتی یونٹس کی فہرست ای سی سی کو فراہم کرے گی۔
ای سی سی نے وزارت اطلاعات کیلئے 75 کروڑ روپے کی ضمنی گرانٹ کی بھی منظوری دے دی۔ یہ رقم 75 ویں یوم آزادی کی تقریبات پر خرچ کی جائے گی۔
اقتصادی رابطہ کمیٹی نے وزارت داخلہ کو اپنے بجٹ سے ملازمین کو معاوضے اور پیکیج کی ادائیگی کی منظوری بھی دے دی ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
اسلام آباد: وفاقی ترقیاتی ادارےکیپیٹل ڈویلپمنٹ اتھارٹی (سی ڈی اے) نے ایک نئی ویب سائٹ…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے)کی انتظامیہ نے شہریوں کو…
اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کو پلاٹوں کی نیلامی…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے زیر اہتمام ہونے…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں…
Welcome to Graana Blog - Pakistan’s Smartest Property Portal!
For more than a decade our intention has been to revolutionise the real estate industry in Pakistan. The same belief drove the vision of our real estate team, Graana where quality beats quantity.
We have introduced an extremely transparent and purposeful portal where we will help you buy, rent or sell your property. A place where you can sit back relax and let us market your projects and listings. We believe we have set new standards for the future of real estate in Pakistan by providing the smartest property portal.
