دبئی کے شاہی فیملی ممبر نے کراچی میں ’الٹرا ہائی اینڈ ولاز‘ کیلئے ایم او یو پر دستخط کر دیے

کراچی: شیخ احمد دلموک المکتوم کے دفتر نے ڈیفنس ہاؤسنگ ایسوسی ایشن (DHA) کراچی کے ساتھ ڈی ایچ اے سٹی کراچی میں نئے تعمیر ہونے والے نک فالڈو گالف کورس پر انتہائی اعلیٰ درجے کے گولف ویو ولاز کی تعمیر کے لیے مفاہمت کی ایک یادداشت پر دستخط کیے ہیں۔

تفصیلات کے مطابق معاہدے پر شیخ احمد دلموک المکتوم، جنرل بابر افتخار، کور کمانڈر 5 کور، صدر ڈی ایچ اے، سابق ڈی جی آئی پی ایس آر، اور بزنس پارٹنر جناب فخر عالم نے دستخط کیے۔ اس منصوبے کو متحدہ عرب امارات کے AMWAJ ڈویلپرز کے ذریعے عمل میں لایا جائے گا۔

ایم او یو کے مطابق، جدید ترین الٹرا ہائی اینڈ الٹرا لگژری ولاز اعلیٰ ترین بین الاقوامی معیار کے مطابق تعمیر کیے جائیں گے۔

بین الاقوامی معیار اور طرزِ تعمیر کو یقینی بنانے کے لیے ڈی ایچ اے سٹی کراچی کے تعاون سے تمام تر ڈویلپمنٹ کی جائے گی۔ اس کے علاوہ، شیخ احمد دلموک المکتوم کا دفتر پاکستان میں اپنی سرمایہ کاری پر کام کر رہا ہے۔ اور اس  میں ڈی ایچ اے لاہور کے ساتھ شراکت میں لگژری اپارٹمنٹس تیار کرنا اور لندن کی کمپنی اوریکل انرجی کے ذریعے 1,100 میگاواٹ کا گرین ہائیڈروجن پراجیکٹ تیار کرنا شامل ہے۔

مزید یہ کہ دفتر پاکستان میں پہلی قسم کی پلازما مصنوعات تیار کرنے کے لیے وزارت صحت کے ساتھ تعاون کر رہا ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔