مردان: ضلعی انتظامیہ نے متعدد غیر قانونی ہاؤسنگ سوسائٹیز سیل کر دیں

پشاور: مردان کی ضلعی انتظامیہ نے غیر قانونی ہاؤسنگ سوسائٹیز کے خلاف کارروائی کرتے ہوئے عوام کو محتاط رہنے کی تاکید کی ہے۔

تفصیلات کے مطابق یہ اقدام ڈپٹی کمشنر مردان کی جانب سے حکام کو ایسی سوسائٹیز کے خلاف کریک ڈاؤن کرنے کی ہدایت کے بعد سامنے آیا ہے۔ ایڈیشنل اسسٹنٹ کمشنر (اے سی) ہیڈ کوارٹر مردان جنید خالد نے ٹاؤن میونسپل آفیسر (ٹی ایم او) مردان نوید خان اور دیگر حکام کے ہمراہ مختلف ہاؤسنگ سوسائٹیز کا دورہ کیا تاکہ قانونی تعمیل کو یقینی بنایا جا سکے۔

ٹیم نے قانونی تقاضے پورے نہ کرنے پر ایک پرائیویٹ ہاؤسنگ سوسائٹی کو نہ صرف سیل کر دیا اور فراڈ کی سرگرمیاں روکنے کے لیے اس کے بینرز ہٹا دیے۔

مزید تفصیلات کے مطابق ضلع بھر میں کئی ہاؤسنگ سوسائٹیز کے غیر قانونی آپریشن کی شکایات پر کریک ڈاؤن شروع کیا گیا۔ مزید یہ کہ متعدد سوسائٹیز نے متعلقہ محکمے سے باقاعدہ منظوری حاصل نہیں کی ہے۔ اور نہ ہی انہیں کوئی این او سی جاری کیا گیا ہے۔

علاوہ ازیں ضلعی انتظامیہ نے عوام کو ایسی غیر قانونی ہاؤسنگ سوسائٹیز کے ساتھ کاروبار کرنے سے خبردار کیا ہے۔ اور سرمایہ کاری کرنے سے پہلے سوسائٹیز کی قانونی حیثیت کی تصدیق اور جانچ کی ہدایات کی ہیں۔

مزید خبروں اور اپڈیٹس کیلئے وزٹ کیجئے گرانہ بلاگ۔