ملتان: ڈائریکٹر جنرل ملتان ڈویلپمنٹ اتھارٹی (ایم ڈی اے) سلیم قیصر نے کہا ہے کہ غیر قانونی ہاؤسنگ کمپلیکس کے خلاف سخت کارروائی کی جا رہی ہے۔
تفصیلات کے مطابق ڈائریکٹر جنرل کا کہنا تھا کہ ایم ڈی اے غیر قانونی ہاؤسنگ سکیموں کے مالکان کے خلاف کاروائی کر رہا ہے۔ اور ایف آئی آر درج کی جا رہی ہیں۔ ڈی جی ایم ڈی اے نے اپنے پیغام میں عوام کو متنبہ کیا کہ وہ مافیا کے غیر قانونی ہاؤسنگ پراجیکٹس میں سرمایہ کاری نہ کریں۔
ڈی جی نے یہ بھی مشورہ دیا کہ کسی بھی ہاؤسنگ اسکیم میں پلاٹ خریدنے سے پہلے لوگوں کو ایم ڈی اے کی ویب سائٹ اور سوشل میڈیا ہینڈلز سے رجوع کرنا چاہیے یا ایم ڈی اے سے متعلقہ سوسائٹی کی قانونی حیثیت کے بارے میں معلومات طلب کرنا چاہیے۔
نیز ایم ڈی اے نے ایک غیر قانونی ہاؤسنگ سوسائٹی کے وسیع شدہ حصے کو بھی غیر قانونی قرار دیا۔
مزید خبروں اور اپڈیٹس کیلئے وزٹ کیجئے گرانہ بلاگ۔
