کراچی: سندھ ماس ٹرانزٹ اتھارٹی نے دارالہنداسہ (لیڈ انٹرنیشنل فرم) اور نیسپاک کے اشتراک کو مشاورتی خدمات کے لیے تفصیلی ڈیزائن کی تیاری، خریداری میں معاونت اور کراچی موبیلٹی پروجیکٹ کی تعمیراتی نگرانی کا ٹھیکہ دے دیا ہے۔
کراچی موبیلٹی پروجیکٹ ییلو لائن بی آر ٹی کوریڈور داؤد چورنگی سے نمائش تک 21 کلومیٹر لمبی راہداری ہے جس میں 2 بس ڈپو، 28 اسٹیشن، 2 فلائی اوور، 9 انڈر پاس اور ایک دن میں 300,000 افراد سفر کر سکیں گے۔
ییلو لائن بی آر ٹی کے لیے تجویز کردہ بس کا بیڑا 268 ڈیزل ہائبرڈ گاڑیوں پر مشتمل ہوگا جبکہ منصوبے کی کل لاگت 438.9 ملین امریکی ڈالر ہے۔
پروجیکٹ ڈائریکٹر عمران بھٹی کا کہنا ہے کہ یہ منصوبے کی ترقی کے لیے ایک اہم قدم ہے اور کراچی کے لوگ جلد ہی ایک بس ریپڈ ٹرانزٹ سسٹم کا مشاہدہ کریں گے جو ایک محفوظ اور قابل اعتماد ٹرانسپورٹ سسٹم فراہم کرے گا۔
مزید خبروں اور اپڈیٹس کے لیے وزٹ کیجئے گرانہ بلاگ۔
