راولپنڈی: کمشنر راولپنڈی کیپٹن (ر) محمد محمود کا کہنا ہے کہ ڈڈوچہ ڈیم پر تعمیراتی کام پورے زور و شور سے جاری ہے اور پراجیکٹ کا 12 فیصد کام مکمل کرلیا گیا ہے۔
اُن کا کہنا تھا کہ اسپل ویز کی بناوٹ کا کام بھی جاری ہے۔
کمشنر آفس کے ترجمان کے مطابق ڈڈوچہ ڈیم پبلک کی عوامی فلاح کا منصوبہ ہے جس کی تعمیر سے راولپنڈی شہر میں آبی وسائل کی کمی کا تدارک ہوسکے گا۔
تفصیلات کے مطابق یہ منصوبہ 2001 سے تاخیر کا شکار ہے تاہم اب بلآخر دسمبر 2020 سے اس پر کام جاری ہے۔
اس پراجیکٹ کے لیے 6.249 ارب کی اراضی خرید لی گئی ہے اور متاثرین کو 1.5 ارب روپے کی فراہمی کرلی گئی ہے۔
اس ڈیم کی آبی کپیسٹی 60 ہزار ایکڑ فٹ ہوگی اور یہ پوٹوہار خطے کے پینے اور زرعی استعمال کی آبی ضرورت کو پورا کرے گا۔
مزید خبروں اور اپڈیٹس کے لیے وزٹ کیجئے گرانہ بلاگ۔
