گلگت بلتستان: نگر اور ہنزہ کے علاقوں میں واقع 40 کلومیٹر طویل سڑک نگر ہائی وے کی تعمیر کا آغاز جلد ہونے والا ہے۔
تفصیلات کے مطابق شاہراہ قراقرم کا یہ نیا متبادل راستہ دریائے ہنزہ کے بائیں جانب پسن سے شروع ہو کر نگر سے ہوتا ہوا ہوپر نگر پر ختم ہو گا۔ مکمل شدہ سڑک گنیش ہنزہ میں KKH سے جڑے گی، جس سے نگر کے اندرونی علاقوں تک رسائی میں بہتری اور سیاحوں کے لیے مواقع میں اضافہ ہوگا۔
4 ارب روپے کی لاگت پر مشتمل، نگر ہائی وے موسم گرما کے مہینوں میں ایک محفوظ آپشن سمجھی جاتی ہے۔کیونکہ یہ شاہراہ قراقرم کے مقابلے میں گلیشیئرز کے پگھلنے اور سیلاب کے اثرات سے کم خطرے میں ہوگی۔
واضح رہے کہ نگر ہائی وے ان پانچ بڑے منصوبوں میں سے ایک ہے جو 85 ارب روپے کے وفاقی پبلک سیکٹر ڈویلپمنٹ پروگرام (PSDP) کے حصے کے طور پر گلگت بلتستان (GB) حکومت کو منتقل کیے گئے ہیں۔
دیگر منصوبوں میں گلگت شندور روڈ، استور ویلی روڈ، بوبن شگرتھنگ روڈ اور داریل ٹینگر ایکسپریس وے شامل ہیں۔
مزید خبروں اور اپڈیٹس کیلئے وزٹ کیجئے گرانہ بلاگ۔
