لاہور: وزیرِ اعلیٰ پنجاب سردار عثمان بزدار نے لاہور کے لیے خصوصی ترقیاتی پیکج کی منظوری دے دی ہے جس کا مقصد شہر کے رہائشیوں کو ریلیف فراہم کرنا ہے۔
وہ لاہور ڈیویلپمنٹ اٹھارٹی کے گورننگ باڈی کے اجلاس کی صدارت کررہے تھے جس میں اُنہوں نے شہر کے لیۓ ترقیاتی پیکج کا اعلان کیا۔
اُنہوں نے کہا کہ اسٹیٹ آف دی آرٹ ایک ہزار بیڈ کے ہسپتال کا قیام فیروز پور روڈ پر کیا جائے گا جس پر 7 ارب روپے کی لاگت آئے گی۔ ہسپتال کے جنرل وارڈ میں 400 بیڈ، کارڈیولوجی وارڈ میں 400 بیڈ اور بلڈ یعنی خون کی بیماریوں کے وارڈ میں 200 بیڈز کا انتظام کیا جائے گا۔
وزیرِ اعلیٰ پنجاب کا کہنا تھا کہ نولکھا پولیس اسٹیشن سے شیرانوالا گیٹ تک 2 کیلومیٹر طویل انڈر پاس قائم کیا جائے گا جس پر 4.5 ارب روپیہ لاگت آئے گی۔
وزیرِ اعلیٰ کے اعلان کے مطابق شہکام چوک پر بھی 1.5 ارب روپیہ لاگت سے اوور ہیڈ برج کا قیام کیا جائے گا۔
اُنہوں نے مزید کہا کہ ایک ارب کی لاگت سے 10 زیرِ زمین پانی کے ٹینک بنائے جائیں گے جس میں بارش کا زائد پانی سٹور کیا جائے گا۔
ایل ڈی اے سٹی میں معاشرے کے نچلے طبقے کے لیے 4 ہزار گھروں کی تعمیر ہوگی جس پر 40 ارب روپیہ لاگت آئے گی۔ علاوہ ازیں 8 ہزار کنال پر 35 ہزار اپارٹمنٹس کی تعمیر اِس سے زائد ہے۔
بند روڈ چوک پر سمن آباد کی طرف بھی ایک انڈر پاس کا قیام ہوگا اور ایک انڈر پاس اور فلائی اوور کا قیام کریم بلاک مارکیٹ چوک پر کیا جائے گا۔ اس پراجیکٹ پر 2 ارب روپے کی لاگت آئے گی۔
مزید خبروں اور اپڈیٹس کے لئے وزٹ کیجئے گرانہ بلاگ۔
