راولپنڈی: چیئرمین راولپنڈی ڈویلپمنٹ اتھارٹی (آر ڈی اے) طارق محمود مرتضیٰ کا کہنا ہے کہ کسی بھی ہاؤسنگ سوسائٹی میں سرمایہ کاری سے قبل اُس کی قانونی حیثیت کی جانچ کرنا ضروری ہے۔
اُنہوں نے کہا کہ اس ضمن میں آر ڈی اے کی ویب سائٹ سے معاونت حاصل کی جا سکتی ہے۔
اُنہوں نے کہا کہ میٹروپولیٹن پلاننگ اینڈ ٹریفک انجینرنگ نے ہفتے کے روز بڑے پیمانے پر غیر قانونی ہاؤسنگ سوسائٹیوں کے خلاف آپریشن کیا۔
ان غیر قانونی ہاؤسنگ سوسائٹیوں میں خانیال ہومز، عبداللہ سٹی، گرین اوکس فارم ہاؤس اور بلیو ورلڈ سٹی شامل ہیں۔
اُنہوں نے کہا کہ میویڈا ہاؤسنگ سکیم کے 9 بکنگ آفسز کو مسمار کیا گیا اور اُس کے ایڈورٹائزنگ آفس کو سیل کیا گیا۔
اُن کا کہنا تھا کہ ان غیر قانونی ہاؤسنگ سوسائٹیز کے مالکان کو نوٹسز بھی ارسال کردیئے گئے ہیں۔
مزید خبروں اور اپڈیٹس کے لیے وزٹ کیجئے گرانہ بلاگ۔
