لاہور: آل پاکستان سیمنٹ مینوفکچررز ایسوسیشن کی جانب سے کردہ اعلان کے مطابق رواں مالی سال میں سیمنٹ کی کھپت 5.04 فیصد اضافے کے بعد 3.520 ملین ٹن کی سطح تک پہنچ گئی۔
اے پی سی ایم اے کے ترجمان کا کہنا تھا کہ مقامی مارکیٹ میں سیمنٹ کی کھپت میں 4.84 فیصد اضافہ ہونے کے بعد یہ 2.794 ملین ٹن کی سطح تک پہنچ گئی۔
پچھلے سال اگست میں یہ کھپت 2.665 ملین ٹن ریکارڈ ہوئی تھی۔
سیمنٹ کی برآمد کی بات کرتے ہوئے ترجمان اے پی سی ایم اے کا کہنا تھا پچھلے سال کے مقابلے میں رواں سال ایکسپورٹ میں 5.82 فیصد اضافہ دیکھنے میں آیا۔
رواں سال 0.725 ملین ٹن برآمدات ریکارڈ ہوئی ہیں جبکہ پچھلے سال 0.685 ملین ٹن ریکارڈ ہوئی تھیں۔
پچھلے سال کی نسبت رواں مالی سال کے پہلے دو ماہ میں سیمنٹ کی فروخت میں 21.78 فیصد اضافہ ہوا اور یہ 8.358 ملین ٹن کی سطح تک ریکارڈ ہوئیں۔
گزشتہ مالی سال کے پہلے دو ماہ میں سیمنٹ کی فروخت 6.863 ملین ٹن ریکارڈ ہوئی تھی۔
مزید خبروں اور اپڈیٹس کے لیے وزٹ کیجئے گرانا بلاگ۔
