نیلامی کا دوسرا روز، سی ڈی اے کے آٹھ پلاٹ 10 ارب سے زائد میں فروخت

 اسلام آباد: وفاقی ترقیاتی ادارے کپیٹل ڈویلپمنٹ اتھارٹی (سی ڈی اے) کو پلاٹوں کی نیلامی کے دوسرے روز بھی بھرپور پزیرائی ملی۔ نیلامی میں اب تک مجموعی طور پر 8 پلاٹس 10.94 ارب سے زائد میں فروخت کئے جاچکے ہیں۔ پلاٹس کی نیلامی 20 اکتوبر تک جناح کنونشن سینٹر، اسلام آباد میں جاری رہے گی۔

تفصیلات کے مطابق نیلامی کے دوسرے روز سیکٹر G-6/1-1 میں 355.55 مربع گز کا پلاٹ نمبر1 ، 602 ملین روپے میں نیلام ہوا۔ اسی طرح سیکٹر E-11 میں واقع 1066.66 مربع گز کا پلاٹ نمبر N-1، ایک ارب چوبیس کڑور روپے میں نیلام کیا گیا۔ نیلامی کے دوسرے روز سیکٹر G-7/3 میں 1111.11 مربع گز کا ہاسٹل پلاٹ 706 ملین جبکہ سیکٹر G-9/4 میں 1111.11 مربع گز کا ہاسٹل پلاٹ 604 ملین روپے میں نیلام ہوا۔

پلاٹوں کی چار روزہ نیلامی میں مختلف کٹیگریز کے رہائشی و کمرشل پلاٹس سرمایہ کاری کے لئے پیش کئے جا رہے ہیں. نیلامی میں بلیو ایریا سمیت مختلف مراکز اور سیکٹر E-11 ناردرن سٹرپ کے پلاٹس نیلام کئے جا رہے ہیں.

مزید یہ کہ 4 روزہ نیلامی میں پارک انکلیو کمرشل، کلاس تھری شاپنگ سینٹر، ایگرو فارمز، اپارٹمنٹس اور انڈسٹری کے پلاٹ نیلامی کے لئے پیش کئے جا رہے ہیں۔ اسی طرح نیلامی میں فروٹ، ویجٹیبل اینڈ میٹ شاپس اور آئی الیون مارکیٹس کے پلاٹس بھی فروخت کئے جائیں گے، جبکہ پہلی مرتبہ ہاسٹلز کے لئے مختص پلاٹس نیلامی کے لئے پیش کئے گئے ہیں۔ پلاٹوں کی چار روزہ نیلامی میں رہائشی پلاٹس بھی نیلام کئے جا رہے ہیں۔

نیلامی کی نگرانی سی ڈی اے ممبر اسٹیٹ کی سربراہی میں قائم کی گئی نیلامی کمیٹی کررہی ہے۔ واضح رہے کمیٹی نے نیلام عام کو شفاف اور مقابلے کی فضا بنانے کے لئے مؤثر انتظامات کئے ہیں۔ جس کے باعث سرمایہ کار بولی میں بڑھ چڑھ کر حصہ بھی لے رہے ہیں اور اپنی پسند کے مطابق پلاٹ حاصل کررہے ہیں۔

موصول ہونے والی بولیوں کو  مکمل جانچ پڑتال کے بعد سی ڈی اے بورڈ کے سامنے پیش کیا جائے گا جو بولیوں کو منظور یا مسترد کرنے کا مجاز فورم ہے۔

مزید خبروں اور اپڈیٹس کیلئے وزٹ کیجئے گرانہ بلاگ