اسلام آباد: کیپیٹل ڈیویلپمنٹ اتھارٹی نے اسلام آباد کے چند سیکٹرز کی بحالی کے لیے دو ارب روپے کی رقم مختص کرنے کا فیصلہ کیا ہے۔
بحالی کے پراجیکٹ میں سڑکوں کی مرمت، سٹریٹ لائٹس کی انسٹالیشن، فٹ پاتھوں کی درستگی اور نکاسی آب کا نظام بنانا شامل ہیں۔
یہ پراجیکٹ جی، ایف، آئی اور ایچ سیکٹرز کے لیے ہے۔
اِس پراجیکٹ کی منظوری چیئرمین سی ڈی اے عامر علی احمد کے زیرِ صدارت ایک اجلاس میں دی گئی جس میں ممبر انجینرنگ ایاز خان اور دیگر متعلقہ افسران شامل رہے۔
چیرمین سی ڈی اے کو بتایا گیا کہ بحالی منصوبے کے تحت کئے جانے والے تمام کاموں کے تخمینے تیار کیے جارہے ہیں۔
سی ڈی اے اس ضمن میں اکتوبر کے آخر تک ٹینڈرز طلب کرنا چاہتی ہے تاکہ یہ منصوبہ تین ماہ میں مکمل کیے جا سکیں۔
سی ڈی اے ترجمان کا کہنا تھا کہ اسلام آباد میں اس منصوبے کی اشد ضرورت ہے۔ اتھارٹی نے گذشتہ تین مہینوں میں اراضی کی نیلامی سے جو رقم حاصل کی ہے اُسے شہر کے بنیادی ڈھانچے میں سرمایہ کاری کے لیے استعمال کیا جائے گا۔
متعدد سیکٹرز میں سڑکیں خستہ حال ہیں تاہم پیر کی میٹنگ کے دوران یہ فیصلہ کیا گیا ہے کہ سی ڈی اے اپنی مشینری سے ڈپلومیٹک انکلیو میں آج سے سڑکوں کی کارپٹنگ شروع کرے گی۔
آئی سیکٹر میں سڑکوں اور فٹ پاتھوں کی جاری بحالی کو بھی اس منصوبے کا حصہ بنایا جائے گا۔
ممبر انجینئرنگ ایاز خان نے کہا کہ جب یہ منصوبہ تین ماہ میں مکمل ہوجائے گا تو اس شہر کی ایک نئی شکل ہوگی۔ انہوں نے کہا کہ اتھارٹی یقینی بنائے گی کہ کام بروقت مکمل ہوجائے اور معیاری ہو۔
مزید خبروں اور اپڈیٹس کے لیے وزٹ کیجئے گرانہ بلاگ۔
