اسلام آباد: وفاقی ترقیاتی ادارے کیپیٹل ڈیویلپمنٹ اتھارٹی (سی ڈی اے) میں مبینہ طور پر جعلی پلاٹوں کی الاٹمنٹ کے معاملے پر اتھارٹی نے انکوائری کا فیصلہ کیا ہے۔
شہری سہولیات کے وفاقی ترقیاتی ادارے کے سیکورٹی ڈائریکٹو ریٹ نے سی ڈی اے کے سیکٹر ڈی 13 میں ایک کنال کے 7 پلاٹوں کی جعلی الاٹمنٹ اور 2 پلاٹوں کی ٹرانسفر میں دھوکہ دہی کی نشاندہی کی ہے۔
رپورٹس کے مطابق سی ڈی اے کی سابق ایڈیشنل ڈائریکٹر لینڈ ثوبیہ طورو جو اس وقت ڈپٹی کمشنر سی ڈی اے کے طور پر اپنی خدما ت سرانجام دے رہی ہیں، انہوں نے سیکورٹی ڈائریکٹوریٹ کو بتایا ہے کہ سی ڈی اے کے سیکٹر ڈی 13 میں دو پلاٹس ان کے جعلی دستخطوں کے ساتھ الاٹ کیے گئے ہیں۔
سی ڈی اے حکام کے مطابق جب یہ معاملہ چیئرمین سی ڈی اے عامر احمد علی کے نوٹس میں لایا گیا تو انہوں نے سیکورٹی ڈائریکٹوریٹ کو ہدایات جاری کیں کہ حقائق فوری سامنے لائے جائیں اور اس مبینہ جعل سازی میں ملوث افسران کو بے نقاب کیا جائے۔
ابتدائی تحقیقات میں یہ بات سامنے آئی کہ جعلی دستخطوں سے کم از کم 7 پلاٹ فروخت کیے گئے۔
تحقیقاتی کمیٹی نے انکشاف کیا ہے کہ یہ پلاٹ زمین کے جعلی دعوؤں کے ساتھ فروخت کیے گئے کیونکہ الاٹیز کے پاس شاہ اللہ دتہ میں کوئی زمین ہی نہ تھی لیکن فرضی دعوؤں کے ساتھ متبادل پلاٹ الاٹ کیے گئے۔
رپورٹس کے مطابق سی ڈی اے کے لینڈ ڈائریکٹوریٹ سے 7 پلاٹوں کی فائلیں بھی غائب ہیں۔
تحقیقاتی کمیٹی نے سی ڈی اے انتظامیہ سے سفارش کی ہے کہ پلاٹوں کی منسوخی کے لئے فوری احکامات جاری کیے جائیں اور باضابطہ انکوائری کرائی جائے۔
دو ماہ قبل قومی احتساب بیورو نے بھی سی ڈی اے کے سیکٹر ڈی 13 میں دو پلاٹوں کا ریکارڈ طلب کیا تھا۔
اس حوالے سے سی ڈی اے کے ایک سینئر آفسر کا کہنا ہے کہ ابتدائی تحقیقات میں 7 پلاٹوں کی فروخت میں مبینہ دھوکہ دہی سامنے آئی ہے۔ سی ڈی اے کی جانب سے جلد ہی باضابطہ تحقیقات شروع کرنے کے لئے حکم نامہ جاری کر دیا جائے گا تاکہ ذمہ داروں کو سامنے لایا جا سکے۔
مزید خبروں اور اپڈیٹس کیلئے وزٹ کیجئے گرانہ بلاگ۔
اسلام آباد: وفاقی ترقیاتی ادارےکیپیٹل ڈویلپمنٹ اتھارٹی (سی ڈی اے) نے ایک نئی ویب سائٹ…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے)کی انتظامیہ نے شہریوں کو…
اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کو پلاٹوں کی نیلامی…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے زیر اہتمام ہونے…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں…
Welcome to Graana Blog - Pakistan’s Smartest Property Portal!
For more than a decade our intention has been to revolutionise the real estate industry in Pakistan. The same belief drove the vision of our real estate team, Graana where quality beats quantity.
We have introduced an extremely transparent and purposeful portal where we will help you buy, rent or sell your property. A place where you can sit back relax and let us market your projects and listings. We believe we have set new standards for the future of real estate in Pakistan by providing the smartest property portal.
